Wn/cdo/粉白花染工業路 羊蹄甲落長安山

From Wikimedia Incubator
< Wn‎ | cdoWn > cdo > 粉白花染工業路 羊蹄甲落長安山
Jump to navigation Jump to search
參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bāng-buōng.

【2018年4月20號福州訊】

三月尾,南風天,福州含蜀下滿城都是羊蹄甲。

臺江區工業路墿邊,羊蹄甲開了滿𣗬,遠覷都是鎮鎮其粉色。工業路西勢就是西禪寺。敆租塊,可以遠看藏經閣,近覷羊蹄甲,故此也吸引儂蜀幫蜀侶去䀹相。根據西禪寺其保安介紹,趁早頭遘暝晡,都有儂脢𡅏長槍短炮,等了野𣆯,儷爲𡅏䀹遘第一好看其相片。有其儂甚至開無人機,敆天懸頂䀹相。相片敆網絡懸頂大傳。伓啻本地其儂轉發,外兜工作讀書其福州儂也表示「想厝去了」。本月13號,固有公交車司機看羊蹄甲分心,撞遘別其車。

有其伓是福州本地其媒體,譬如講《新華每日電訊》《中國新聞網》,也報導了工業路羊蹄甲其風景。

福建師範大學倉山校區野価墿也栽了羊蹄甲。遘了春天,花含不蜀時都開去了,有粉色其,有白色其,學生經過,都停下來䀹相。

除𡅏以上所在,遘复園路、朝陽路、高橋路、溫泉支路、光明港公園等等地方,也可以看見羊蹄甲。

消息來源[edit]

原創報導
這報導有維基記者第一手新聞。可以看討論頁了解詳情。