Wn/cdo/第16屆中國戲劇節卜敆福州做

From Wikimedia Incubator
< Wn‎ | cdoWn > cdo > 第16屆中國戲劇節卜敆福州做
Jump to navigation Jump to search

【2019年10月20號訊】

只蜀回戲劇節,有野価本閩劇會使聽(資料圖)

只蜀月日其26號,第16屆中國戲劇節會敆福州開幕。

只蜀回戲劇節共總揀了30本戲去唱。按戲種去算,就有閩劇、莆仙戲、歌仔戲、越劇等等24種戲。開幕其戲是滑稽戲《陳奂生其食飯問題》。福建其戲,有莆仙戲《踏傘行》、越劇《林巧稚》、閩劇《紅裙記》《龍臺駙馬》、音樂劇《茶道》、歌仔戲《僑批》乞揀去。

故有野価活動共只回戲劇節齊去做,包括2019年福州閩劇節、閩臺交流合作劇目暨福建優秀劇目展演、閩劇文獻展、2019閩派戲劇人才培训班,等等。其中,參加閩臺交流合作劇目暨福建優秀劇目展演其,有話劇《盛宴》、閩劇《生命》、京劇《紅土》、高甲戲《浮海孤臣》、音樂劇《鼓浪如歌》。

嚽是中國戲劇節第3回敆福建做。1993年,第3屆中國戲劇節頭頭回行出北京,就是敆福州做。2009年其第11屆戲劇節是敆廈門。仱今年暝其第16屆戲劇節復蜀回敆福州做。7月23號遘24號,故敆安徽銅陵做了戲劇節入選劇目提陞研討會。

只回戲劇節敆下蜀月日其12號結束。閉幕其戲是閩劇《紅裙記》。

第十六屆中國戲劇節演出場次表
時間 戲種 戲齣 翻譯 單位 劇場
10月26號 19:30 滑稽戲 陳奐生的喫飯問題 陳奐生其食飯問題 江蘇常州市滑稽劇團 海峽文化藝術中心
15:00 壯劇 百色起義 廣西壯族自治區戲劇院 福州工人文化宮
10月27號 19:30 京劇 紅軍故事 國家京劇院 福建大劇院
姚劇 童小姐的戰場 童小姐其戰場 餘姚市姚劇保護傳承中心 福州大戲院
10月28號 15:00 滇劇 回家 轉厝 雲南省滇劇院 福建鳳凰劇院
10月28號 19:30 兒童劇 那山有片粉色的雲 遐山有蜀菩粉色其雲 中國福利會兒童藝術劇院 福州工人文化宮
10月29號 19:30 京劇 光之谷 武漢京劇院有限責任公司 福建大劇院
晉劇 起鳳街 太原市實驗晉劇院有限責任公司 福州大戲院
10月30號 15:00 歌仔戲 僑批 廈門歌仔戲研習中心 海峽文化藝術中心
10月30號 19:30 莆仙戲 踏傘行 福建省莆仙戲劇院有限公司 福建鳳凰劇院
10月31號 19:30 黃梅戲 不越雷池 安徽省黃梅戲劇院 福建大劇院
越劇 林巧稚 福建芳華越劇院 芳華劇院
11月1號 19:30 潮劇 紅軍阿姆 廣東潮劇院 福建鳳凰劇院
11月2號 19:30 淮劇 送你過江 送汝過江 鹽城市淮劇團 福建大劇院
11月3號 15:00 藏戲 六弦情緣 西藏自治區藏劇團 芳華劇院
11月3號 19:30 京劇 玉簪緣 天津京劇院 福建鳳凰劇院
11月4號 19:30 河北梆子 人民英雄紀念碑 北京市河北梆子劇團有限責任公司 福州大戲院
11月5號 19:30 川劇 江姐 重慶市川劇院 福建鳳凰劇院
11月6號 15:00 評劇 藏地彩虹 中國評劇院有限責任公司 福州工人文化宮
11月7號 15:00 話劇 柳青 西安演藝集團西安話劇院 福州大戲院
19:30 閩劇 龍台駙馬 福州市馬尾區海峽閩劇團 芳華劇院
11月8號 19:30 豫劇 張伯行 河南豫劇院一團 福建大劇院
絲弦 大唐魏徵 石家莊市絲弦劇團 福州工人文化宮
11月9號 19:30 京劇 陳毅回川 成都市京劇研究院 福州大戲院
11月10號 19:30 弋陽腔 方志敏 弋陽腔藝術保護中心 福州工人文化宮
京劇 游百川 山東省濱州市京劇演藝有限公司 芳華劇院
11月11號 19:30 音樂劇 茶道 福建省歌舞劇院 福建大劇院
福州市閩都文化藝術中心
呂劇 大河開凌 山東省呂劇院 福州大戲院
11月12號 15:00 淮劇 武訓先生 上海淮劇團 海峽文化藝術中心
11月12號 19:30 閩劇 紅裙記 福州閩劇藝術傳承發展中心 福州工人文化宮
閩師專藝術系(福州市藝術學校)
閩台交流合作劇目暨福建優秀劇目展演演出場次表
時間 戲種 戲齣 單位 劇場
10月21號 19:30 高甲戲 浮海孤臣 泉州市高甲戲傳承中心 福州大戲院
10月24號 19:30 音樂劇 鼓浪如歌 厦門歌舞劇院 福州大戲院
11月2號 15:00 話劇 盛宴 福建人民艺术劇院 人藝劇場
11月6號 19:30 閩劇 生命 福建省實驗閩劇院 福建省閩劇藝術中心
11月11號 15:00 京劇 紅土 福建京劇院 福建鳳凰劇院

消息來源[edit]

Wikipedia-logo.png
汝可以敆維基百科𡅏看蜀看共這新聞有關係其條目: