Wn/cdo/榕普高第二輪錄完 「老八所」普通班滿去

From Wikimedia Incubator
< Wn‎ | cdoWn > cdo > 榕普高第二輪錄完 「老八所」普通班滿去
Jump to navigation Jump to search
系列報導
更新

【2018年7月25號訊】

昨暝(24號),福州市普通高中做完第二輪錄取。

第二輪錄取由前日(23號)開始。普高第二輪錄取由普高第一條線逐降10分來錄取,一直遘第四條投檔線——525分。市區8個老牌一級達標校臺中,敆普高第一條投檔線懸頂無錄取完其福州二中、四中、高級中學也跟𡅏切出自家其最低錄取線。遘這辰候,8個老牌一級達標校普通班都已經錄完,並且公布了敆初中其定向生錄取線。

同時,一類校福州屏東中學、福州外國語學校、福州十八中也定下了最低錄取線。根據《福州日報》其數據,二中、四中、屏東中學、十八中等一類校其錄取線也跟𡅏變懸。

由定轉統其錄取線來看,今年「老八所」定轉統錄取線共統招線其分數差沰了仂囝。《日報》講,福一中2017年統招線共定轉統線差了10.5分,今年差8分;三中去年統招線共定轉統線差5.5分,今年差3分;附中去年統招線共定轉統線差6.5分,今年差5分。定轉統錄取線共統招線固接近,會表現定向生作用發揮固充分,剩餘指標比起以前沰了仂囝。

第二輪之後,福州普通高中其錄取工作就差不多結束了。如果敆最低控制線——也就是410分——無招滿其學校,可以敆8月其供需見面會選落取其學生。

消息來源[edit]