Wn/cdo/新海誠《雲之彼端》卜改舞臺劇

【2018年2月26號訊】

今旦（26號）消息，日本動畫導演新海誠2004年其作品《雲之彼端，約定倛地方》卜改成舞臺劇。辰巳雄大、Johnny's Jr倛高田翔、伊藤萌萌香都會出演。

舞臺劇臺中，辰巳雄大演男主角藤澤浩紀，高田翔演白川拓也（浩紀倛同學），伊藤萌萌香演女主角澤渡佐由理。松澤一之、湖月渡、淺野温子演配角。鐮田雅人負責音樂。

辰巳雄大表示：「我居然也有茲蜀日，可以參與遘新海誠倛作品裏勢。決定出演之後，我每蜀日都歡喜遘著𣍐𠕆。」

4月20號開始遘24號，舞臺剧敆東京國際論壇大樓C廳（東京国際フォーラム ホールC）公演。5月2號敆NHK大阪會堂（NHK大阪ホール）公演。3月14號敆官方網站開始賣票。

消息來源

• 新海誠『雲のむこう、約束の場所』が舞台化！キャストも明らかに. シネマトゥデイ. 
• 新海誠「雲のむこう、約束の場所」舞台化、ふぉ～ゆ～辰巳雄大が主演. 映画ナタリー.