Wn/cdo/拗九人情盈滿十邑 桃李滿園共話春風
參考閩東語平話字其版本。/ Chăng-kō̤ Mìng-dĕ̤ng-ngṳ̄ Bàng-uâ-cê gì bēng-buōng.
【2018年3月17號福州訊】
茲蜀月16號是拗九節。敆茲蜀工，各家各厝都煮拗九粥，厝𡅏有老儂或者仂囝哥，歲數逢九，就著食蜀碗。下晝5點1刻，福州第三中學其學生志願者遘了達明新村共三中教職工宿舍，送粥裏厝，乞老儂食。
採訪
[edit | edit source]有蜀隻維基記者也共三中其學生志願者齊去送了粥。住敆三中教職工宿舍其退休教師王性复，食去學生其粥，野歡喜，也接受了採訪。下底是對王先生其採訪。
朱天騏也是趁三中退老其先生，以前𡅏是教語文。送遘朱先生其厝，伊野高興，講：「敆這人情臺中，看見了大家其溫暖。」同時感謝志願者，感謝伊教書多年其學校三中。朱天騏先生研究福州話野𣆯去了。
先生汝好！
- 朱：嗯。
今旦有三中其學生敆汝厝裏，汝有什乇感受？
- 朱：啊，正是。□□三中其學生都行過來，今旦拗九節嘛。……很好。
現在有三中其學生做保護福州話其事計，汝有無什乇話想講？
- 朱：就講，儂家□□□□保護福州話、講福州話，□□是蜀件有用其事計。
