Wn/az/Zimbabve prezidentinin Azərbaycana tarixi səfəri

Azərbaycan

Azərbaycan xəbərləri

• 27 August 2023: Wn/az/“Laçın Şəhəri Günü” münasibətilə möhtəşəm atəşfəşanlıq olub
• 27 August 2023: Wn/az/Ermənistan silahlı qüvvələrinə məxsus kvadrokopter məhv edilib
• 4 July 2022: Wn/az/İlham Əliyev: "Sülh müqaviləsinin hazırlanması prosesinə ABŞ-ın töhfə verə biləcəyi qənaətindəyik"
• 4 July 2022: Wn/az/Azərbaycan ÜST-dən meymunçiçəyi test dəstlərini təhvil alıb
• 2 March 2022: Wn/az/General-mayor Nizami Məmmədov həbs olundu

...Daha çox xəbər

Azərbaycanın yerləşdiyi ərazi

Azərbaycandakı digər xəbərləri görmək, dəyişdirmək və ya başlatmaq üçün, Azərbaycan Portalına baxın.

Zimbabve

Zimbabve xəbərləri

• 24 March 2019: Wn/az/Tropik fırtına Afrikanın cənubunda böyük sayda insan tələfatı əmələ gətirib
• 31 January 2019: Wn/az/Zimbabve prezidentinin Azərbaycana tarixi səfəri
• 16 January 2019: Wn/az/Zimbabve Prezidenti Azərbaycana səfər edəcək

...Daha çox xəbər

Zimbabvenin yerləşdiyi ərazi

Zimbabvendəki digər xəbərləri görmək, dəyişdirmək və ya başlamaq üçün, Zimbabve Portalına baxın.

Zimbabve prezidentinin Azərbaycana tarixi səfəri — Zimbabve Prezidenti Emmerson Mnanqaqva 19 yanvar 2019-cu il tarixində Azərbaycana səfər edib.

Səfərin ilk günü

2019-cu ilin yanvar ayının 18-də Zimbabve Respublikasının Prezidenti Emmerson Mnanqaqva Azərbaycana səfərə gəlib. Bu həmin ölkə başçısının Azərbaycana ilk səfəridir. Ali qonağın gəlişi şərəfinə hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda fəxri qarovul dəstəsi düzülmüşdür. Hava limanında Zimbabve Respublikasının Prezidenti Emmerson Mnanqaqvanı Azərbaycan Respublikası Baş nazirinin birinci müavini Yaqub Eyyubov, xarici işlər nazirinin müavini Ramiz Həsənov və digər rəsmi şəxslər qarşılayıblar.

Azərbaycan Prezidenti ilə görüş

Növbəti gün - 19 yanvar tarixində Azərbaycan Respublikasının Prezidenti İlham Əliyevin Azərbaycana işgüzar səfərə gələn Zimbabve Respublikasının Prezidenti Emmerson Mnanqaqva ilə görüşü olub.

Rəsmi qonağın qarşılanması

Prezidenti İlham Əliyev Prezidenti Emmerson Mnanqaqvanı qarşıladıqdan sonra birgə foto çəkdirilmiş, daha sonra dövlət başçılarının görüşü olmuşdur.

Prezidentlərin görüşü

Görüş ilə bağlı Azərbaycan Prezidenti İlham Əliyev belə demişdir:

"Xoş gəlmisiniz. Sizi görməyə çox şadam. Əminəm ki, səfəriniz çox məhsuldar keçəcək və tərəfdaşlığımızın gücləndirilməsi üçün imkanlar yaradacaq. Bu, Zimbabve Prezidentinin Azərbaycana ilk səfəridir, odur ki, bu, tarixi səfərdir. Əminəm ki, məhsuldar müzakirələr zamanı biz əməkdaşlığımızın çox mühüm sahələrini müəyyən edəcəyik. Biz ticarət münasibətlərimizin genişləndirilməsi üçün imkanları, həmçinin siyası sahədə qarşılıqlı fəaliyyətimizə aid məsələləri nəzərdən keçirəcəyik.

Bilirəm ki, gəlişiniz çərçivəsində Siz bir neçə ölkəyə səfər edirsiniz. Çox şadam ki, Azərbaycan da Sizin səfər etdiyiniz ölkələrdən biridir. Bu, Sizin ölkəmizə və münasibətlərimizə verdiyiniz önəmin göstəricisidir. Biz də öz növbəmizdə, ölkələrimiz arasında münasibətləri inkişaf etdirmək istəyirik. Əlbəttə ki, Sizin səfəriniz də bu münasibətlərin inkişafı üçün məsələlərin müzakirəsi baxımından çox əla imkandır. Bir daha Azərbaycana xoş gəlmisiniz."

Görüş ilə bağlı Zimbabve Prezidenti Emmerson Mnanqaqva isə belə demişdir:

"Çox sağ olun Zati-aliləri. Buraya gəldiyimizdən bəri bizim çox səmimi qarşılandığımız üçün Sizə nümayəndə heyəti adından təşəkkürümü bildirmək istəyirəm. Sizin çox gözəl ölkəniz var. Biz ilk dəfədir ki, sizin ölkənizə səfər edirik. Azərbaycanda artıq şahidi olduğumuz inkişaf və infrastruktur səviyyəsi bizə çox güclü təsir bağışlayıb. Bizim arzumuz iki ölkə arasında qarşılıqlı siyasi münasibətlərin qurulmasından ibarətdir. Lakin xüsusilə biz iki ölkə arasında iqtisadi əməkdaşlığı təşviq etmək, həmçinin əməkdaşlıq aparılacaq digər sahələri və ölkələrimiz arasında ticarətin aparılacağı sahələri tədqiq etmək istəyirik."

Zimbabve Prezidentinin yola salınması

Zimbabve Respublikasının Prezidenti Emmerson Mnanqaqvanın Azərbaycan Respublikasına işgüzar səfəri yanvarın 19-da başa çatmışdır. Ali qonağın gedişi şərəfinə hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda fəxri qarovul dəstəsi düzülmüşdür. Zimbabve Respublikasının Prezidenti Emmerson Mnanqaqvanı hava limanında Azərbaycan Respublikası Baş nazirinin birinci müavini Yaqub Eyyubov, xarici işlər nazirinin müavini Ramiz Həsənov və digər rəsmi şəxslər yola salmışlar.