Wn/az/Rusiyanın Babıninski rayonunda uşaqlarla dolu avtobus aşıb; ən azı yeddi nəfər həlak olub

3 fevral 2019, Bazar

Rusiya

Rusiya xəbərləri

27 August 2023: Wn/az/Rusiyalı qadın qarnında “saatlı bomba” ilə iyirmi il yaşadı
4 July 2022: Wn/az/Vladimir Zelenski: Ukraynada hazırda 22 milyon ton taxıl bloklanıb
17 March 2019: Wn/az/FİFA dünya çempionatından rekord məbləğdə qazanc götürüb (2018)
12 March 2019: Wn/az/Rusiya öz vətəndaşlarına Azərbaycana səfər etməyi məsləhət görmür
5 March 2019: Wn/az/Dağıstanın Tissi-Axitli kəndində yanğın baş verib

Rusiyanın yerləşdiyi ərazi

Rusiyadakı digər xəbərləri görmək, dəyişdirmək və ya başlamaq üçün, Rusiya Portalına baxın.

Rusiya Federasiyasının Smolensk şəhərindən Kaluqa şəhərinə gedən və içərisində uşaqlar olan avtobus Kaluqa-Vyazma yolunda, Babıninski rayonunda yol kənarına aşıb. Hadisə nəticəsində dördü uşaq olmaqla ən azı yeddi nəfər həlak olub.

Avtobusda təxminən 45 nəfər var idi. Qarlı yol kənarına aşmış avtobusdakı şəxslər avtobusun içərisində saatlarla qalıblar. Hadisə yerinə polis və səhiyyə xidməti cəlb olunmuşdur. Rusiya polisi sürücüyə cinayət işi açıb və onu istintaqa çəkib. Yartsevo şəhərinin merinin "Interfax" informasiya agentliyinə verdiyi məlumata görə, avtobusdakı şəxslər bir rəqs müsaqibəsinə gedirdilər. Yerli səhiyyə işçiləri 24 nəfərin xəstəxanaya yerləşdirildiyini açıqlayıblar, ancaq "Agence France-Presse" informasiya agentliyinin verdiyi raporta görə, xəstəxanaya 32 nəfər yerləşdirilib.

Rusiya Federasiyası Fövqaladə Hallar Nazirliyi avtobusdakı hər kəsin Smolensk sakini olduğunu bildirib. Rəsmilər alınan xəsarətlərin əksəriyyətinin yüngül olduğunu deyiblər. Rusiya dünya səviyyəsində yol qəzalarından ən çox əziyyət çəkən ölkələrdən biridir. Araşdırmalara görə, Rusiyada 2018-ci ildə hər 100.000 nəfərdən 18.9-u yol qəzasına görə vəfat edir. Bu göstərici əvvəlki illərdən daha aşağıdır. Rusiya Federasiyası Fövqaladə Hallar Nazirliyi verdiyi açıqlamada "unutmayın ki, digər insanların sağlamlığı və həyatları sizdən asılıdır" deyərək sürücülərə müraciət etmişdir. Nazirlik sürücüləri "qəbul edilmiş yol hərəkat qaydalarına riayət etməyə" çağırmışdır.

Rusiya Federasiyası Fövqaladə Hallar Nazirliyi qəzada əlavə nəqliyyat vasitələrinin iştirak etmədiyini bildirmiş, sürücünün nəzarəti itirib yoldan çıxması ehtimalını ortaya atmışdır. Qəzanın səbəbi hələ ki, naməlumdur.