Wb/nia/Sinunö Banuagu
Sinunö Banuagu, no sambua sinunö si'oi la'ila ira niha moroi ba Danö Niha. Ba wa'owulo-wulo niha, ba asese sibai la'anunöisi zinunö da'a. Ba mangalui dödöda tamane, haniha zanura sinunö da'a. Hiza me no sa'ae oi muhi'a dödö ndra talifusö si no mamörötaigö halöŵö nifalului zato ba Wikipedia Nias, Wiktionary Nias ba simanö göi ba Wikibuku andre, ba la'osara'ö zöndra ba wamörötaigö ba wangowuloi zifakhai ba gangoroa solili. Me tefaehagö wa sanura sinunö andre, ya'ia satuada sotöi Yasato Harefa.
Na omasi'ö ömane da'ufaigi we waö-waö namada Yasato Harefa, höndrögö manö ba da'a Yasato Harefa
Sinunö andre molo'ö famaehagö moroi khö zatuada, wa sinunö andrö te'asiwai wama'anö ya'ia me 26 November 1966, ba Asrama BNKP Tohia Gunungsitoli. Meluo da'ö satuada andre, samösa samahaö ma guru ba zekola SMA BNKP Gunungsitoli, sanga'i halöŵö ba wama'ema ngawalö wamahaö Eksakta, Bahasa Inggris, faoma Kesenian. Hiza waö-waö zatuada andre, no fakhamö tenga ba mbanuada toröi ira. Me döfi si 1954 - ofeta döfi 1963 ba Sibolga toröi ira, börö me ba da'ö no awu'a zatuania, sohalöŵö ba Telkom ba sangai halöŵö ba gosali göi ma sinenge ba BNKP Sibolga.
Ba hiza ba we'aso namada Yas Harefa andre ba Ziboga, ba ato mbanuada sakhari-khari tödö wangawuli mena'ö ba Danö Niha, ba no tofesu ba halöŵö, lö aetu itörö tödöra mbanuara sindruhu, tanö abölatara. Izumaigö tumbu ba dödö zatuada andre ba wama'anö sinunö Banuagu andrö ena'ö la'anunöisi ya'ira sikoli siyefo, fondrara-ndrara dödö sakhari. Inönö nasa meluo da'ö so gangowuloa Band Iwada ba Ziboga sanunö-nunö ba RRI Sibolga samuza ba zi sara waŵa, moguna lanönö khöra zinunö sibohou ba li Niha. Me no ibe'e khöra zinunö da'ö amada Yas Harefa ba omasi sibai ira, lö aetu la'anunöisi ba RRI. Ba Gunungsitoli göi tobali sinunö ni'anunöisi ba wamalua fahulösa ba wanunö ma lamane ba li Indonesia sitobali bahan lomba na so ngaluo sebua meluo da'ö ba hiza irugi mane ma'ökhö göi, baero zi no la oya'ö ma si no la rekam ya'ira sihulu tödö ba wangahaogö sinunö Danö Niha, abölö fagöna wanötöi ya'ia lamane seniman Nias.
Ya'e lala notenia nifa'ohe'ö zatuada Yas Harefa.
Fabaliŵa lala
[edit source]Fanolo ba wanura: Lala wanura • Fama'oli nösi • Ngawalö templat • Ngawalö kategori
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö