Wb/nia/Ngawalö zinunö Nono Niha moroi ba ndröfi 1938

1. Sinunö gere

Mamaola gere lewe-lewe
Mamaola si nora nadua
Tebai amaola danga
Tebai amaola durua
Yamaolagö li wondrahi
Yamaolagö li waondrua
Awö ligu ba wameta
Awö ligu ba wananua

2. Nisuno gere

Ba waulu fase ilau mbalazi wa'a'ere
Ihofi nono gae yaŵa nose
Tobali ono alawe
Me ilau mbalazi wa'a'ere nata bawaulu fase

3.

Esoni golu mbo'o sagötö golumö
Sagötö golu tuho mbatu nitoto
Lai-lai mbatu laso danö
Sara ya'ia zi'umögö
Wulu-wulu rai firö
Baru luo bado-bado
Tugela nono ganöwö
Lö ono dalifusö furi zatu zi sagötö
Sinali ndralimo dali fanikha idanö
Sinali ndralibo'o balugu lida

Nitöngöni

No muhalö zinunö andre moroi ba zinura F. M. Schnitger. Bakha ba zinura andrö so 19 ngawua zinunö ni'owuloinia me möi ia manörö ba Danö Niha me 1938. Baero li zinunö so göi fao geluahania ba li Jerman. Ba hiza molo'ö famaigigu, asese ambö faudu wo'alinia ngawalö zinunö andrö ba li Jerman. Duma-dumania i'ali "mamaola gere lewe-lewe" faoma Der Priester ist Vermittler. Ba li khöda eluaha wehede Jerman andrö "ere andrö no fangali". Oroma wa no fahole wo'alinia. Ba hiza simanö göi wamo'eluahania oi li zinunö tanö bö'ö.

Umbu

F. M. Schnitger, "Lieder von Nias" in Zeitschrift für Ethnologie, 73. Jahrg. H. 1/3 (1941), nga'örö 34-39, sinunö andre ba nga'örö 35.

Fabaliŵa lala

Fanolo ba wanura: Lala wanura • Fama'oli nösi • Ngawalö templat • Ngawalö kategori

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö