Jump to content

Wb/nia/Nanehe ba Ina Galaidö

Add links
From Wikimedia Incubator
< Wb | nia
Wb > nia > Nanehe ba Ina Galaidö

Nitöngöni: Lö faudu larongo iraono nidunö-dunö andre tou ba böi göi baso ia khö ndraono. Saohagölö!


Me mohorö Dawido ba Baseba, fo'omo Guria (Samueli II 11:1—12:9) molo'ö filem David and Bathsheba (1951)

Samuza ngaluo, alua wolöfö sisökhi khö Nanehe, onomatua sabölö töla. Ahulu ia böhö sebua yefo ba gatua, ba zinga nidanö heza ilau manamakhe Ina Galaidö.

Itatawi gahuluania andre Nanehe ba zinga nidanö andrö. Irugi tanö'owi lö sawai khönia zimatonga. Andrö i'andrö tolo khö Nina Galaidö wolului. Ifabu'u khönia wa ibe'e urakha Nina Galaidö dania sambua ni'o'öfa.

Omuso sibai dödö Nina Galaidö. Tema ilului wanatawi. Awena awai la'ohalöŵögöi me aekhu luo sa'ae.

Fatua lö ifa'ema gurakha Nina Galaidö, ba so gangandröŵa Nanehe andre khö Nina Galaidö, sitebai i'ombakha'ö ba niha bö'ö.

Me no aefa lafalua da'ö börö wa fatema wa'edöna, ba mowabali ira, ladölö ira ba nomora zamösana, fao khöra gahuluara andrö sebua. Arakhagö tunufö fandru.

Omuso sibai dödö Nama Galaidö me so gahulua böhö nisöndra Nina Galaidö, iwalinga hana wa bongi ia wangawuli.

Larino göra, la'a nagole mböhö, baero nasa guro nisöndra Nina Galaidö. Sitörania, la'owuru ba la'unagö ba zölu ba ba wulaŵa.

Lö abu dödöra ndriwora irugi fulu bongi.

Hiza'i nifotöi saböu, alio ara, ba te'ago hua.

So samösa zifahuwu khö Nama Galaidö. Itutunö wa no irongo duria nidunö-dunö Nanehe ba niha bö'ö. Mato öfa waŵa silalö, no lafalua wanawö oroisa ira Nanehe ba Ina Galaidö, aefa latatawi gahuluara böhö, me faoma o'afu ira ba ngai nungo nidanö me luo da'ö.

Tokea sibai dödö Nama Galaidö. Börö da'ö samuza inötö isekhegö wanofu khö Nina Galaidö, heŵa'ae tenga ni'ofönuagö sibai. Lö falimbe'e Nina Galaidö. Ifaduhu'ö fao waniasa ba taŵahörö wa no lafalua da'ö.

Hana sa khöu Nama Galaidö, börö wa'ailania, möi ia itunö ba zalaŵa mbanua.

Lua-lua, lafatörö huku khö Nina Galaidö, la'eŵa mbagi, ba simanö göi Nanehe.

Nitöngöni

[edit | edit source]
  • No mufaudugö wanura ya'ia ba EYD.
  • No lö mufaogö wamo'eluaha, ena'ö lö aetu manö-manö ia ba tenga tobali famotu niha.
  • No göi mu'alösö'ö ma'ifu wanutunö ya'ia.

Umbu

[edit | edit source]
  • Nikhete moroi ba manö-manö Laidö ba Maduahö bakha ba Buku Cerita Rakyat (Manömanö) Nias Kota Gunungsitoli (2019), nifa'anö Soraya Zebua & Yasato Harefa, nga'örö 9-10.

Fabaliŵa lala

[edit | edit source]
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö
Retrieved from "https://incubator.wikimedia.org/w/index.php?title=Wb/nia/Nanehe_ba_Ina_Galaidö&oldid=6331725"