Wb/nia/Mataio/12/Laʼandrö dandra farizaio

From Wikimedia Incubator
< Wb‎ | nia‎ | Mataio
FAZA 12

38 IV. Ba so ösa zanema linia, sangila amakhoita ba farizaio, lamane: He samahaö, omasiga maʼila dandra khömö.[1]

39 Ba itema lira, imane khöra: Laʼandrö dandra niha andre, si lö sökhi, sohorö-horö, ba lö tebeʼe khöra dandra, ha tandra khö Yona samaʼeleʼö andrö.[2]

40 Hulö si mane Yona sa, me tölu ngaluo tölu mbongi ia ba dalu giʼa sebua andrö, si manö göi Nono Niha dania, tölu ngaluo tölu mbongi dania ia ba hunö danö.[3]

41 Maoso dania mbanua Niniwe andrö, na luo wanguhuku, udu niha daʼe ba laʼetuʼö huku niha daʼe; me no lafalalini gera-erara ba wangombakha Yona andrö, ba hiza, so ba daʼe zebua moroi khö Yona.[4]

42 Maoso dania razo ira alawe andrö, moroi raya, na luo wanguhuku, udu niha daʼe, ba iʼetuʼö huku niha daʼe, me no möi ia moroi ba wondrege danö, ba wamondrongo faʼatuatua Zelomo andrö; ba hiza, so ba daʼe zebua moroi khö Zelomo.[5]

(A. 12, 43—45: Luk. 11, 24—26)

43 Ba na aheta mbekhu si raʼiö ba niha, ba itöröi danö si lö idanö, mangalui nahia wolombase, ba lö isöndra.

44 Awena dania imane: Daʼufulido ba nomogu, ba zi otarai ndraʼo. Ba na so ia, ba lö muʼonahia iʼila, ba no labözini ba no lahaogö.

45 Ba möi ia, ihalö awönia mbekhu böʼö, dafitu, safaito moroi khönia, ba möi ira bakha, labeʼe nahiara daʼö, ba tobali tedou walösökhi zafuria ba niha andrö, moroi ba zi föföna mege. Si manö göi dania ba niha si lö sökhi andre.[6]

(A. 12, 46—50: Mar. 3, 31—35: Luk. 8, 19—21)


(Mataio 12:38-45)


Famotokhi ba gahe[edit | edit source]

  1. (F. 16, 1 b. t. Yoh. 6, 30)
  2. (F. 16, 4)
  3. (Yon. 2, 1)
  4. (Yon. 3, 5 b. t.)
  5. (Sal. I. 10. 1 b. t.)
  6. (Fet. II. 2, 20)



Sura Ni'amoni'ö: Mataio | Mareko | Luka | Yohane | Halöŵö Zinenge | Roma | Korindro I | Korindro II | Galatia | Nefeso | Filifi | Kolose | Tesalonika I | Tesalonika II | Timoteo I | Timoteo II | Tito | Filemo | Heberaio | Yakobo | Fetero I | Fetero II | Yohane I | Yohane II | Yohane III | Yuda | Fama'ele'ö

Fanolo wanura: Lala wanura | Fama'oli nösi | Ngawalö templat | Ngawalö kategori
Kategori: Amaedola | Budaya | Cerpen | Fangi'ila (Ilmu Pengetahuan) | Hendri-hendri | Hoho | Hikaya | Kamus Nias-Jerman | Kese-Kese | Lala wondrino (Resep) | Maena | Manö-manö | Manö-manö Nono Niha | Uso dödö (Entertainment) | Novela | Sejarah | Seni | Sinanö | Sinunö | Sura Ni'amoni'ö | Taromali Ero Migu | Turia Somuso Dödö

Fanolo wofanö: Olayama | Angombakhata | Bawagöli zato | Monganga afo | Nahia wamakori | Nga'örö spesial | Ngawalö wanolo | Sangai halöŵö | Safuria tebulö | Wikibuku | Wikikamus | Wikipedia | Wikiyunior