Wb/nia/Managu Nukha Faoma Roda Singer
Meföna lö monukha niha simane iada'a. Ha awai nibalugöra saila ira, ya'ia famatuara na iramatua ba fa'alawera na ira'alawe. Labalugö ia faoma saombö ba ndramatua ba u'i ba ndra'alawe, nifazökhi moroi ba guli goholu si no lalömö ba labobo irege ombuyu ia ba oha wamali'ö ya'ia ba löwi-löwi. Me iraono nasa ndra'o me ndröfia 70-a, asese u'ila niha sagatua si möi mondri ba hele sanaraeŵa saombö andrö.
Harizaki irugi göi Danö Niha nukha nitagu, ni'ohe ndra sogale, irege tola monuka niha. Tenga ha labalugö zaila ira, bahiza labalugö sandrohu botora.
Silötolalö latagu nukha simane andre. Aefa lafazökhi mbana moroi ba mbowo gafasi ma zui moroi ba rozi zinasa, moguna lasoso ia irege tobali sagörö nukha sebolo. Awena dania latataba molo'ö hewisa wangoguna'ö ya'ia, ba aefa da'ö lafahalö oi mbalönia faoma falölöŵa. Eluahania oya mbosi nitörö ba oya halöŵö ba wamazökhi ya'ia. Andrö wa oya lahorigö ginötöra ira'alawe meföna ba wanoso ba ba wanagu nukha tobali baru, u'i ma zui saraeŵa.
Harizaki lasöndra niha sambua mesin, si tola la'oguna'ö ba wanoso nukha ba furinia dania mesin ni'oguna'ö ba wanagu nukha, nifotöi roda ba Danö Niha. Tenga ha alio wanoso nukha faoma mesin, bahiza abölö oya tola lafazökhi nukha niha, me lö erege dödö mesin simane niha mena'ö.
Mesin wanoso nukha
[edit | edit source]Meföna lasoso hadia ia niha faoma tanga. Ha moguna khöra mbana ma zui sinali ba falölöŵa. Irugi ma'ökhö lalau da'a niha ba Eropa. Itaria ta'ila niha sanoso baru ndraono khöra bakha ba moto zanörö ma zui bakha kereta api. Halöŵö danga simane to'ölö latötöi ia ba khöda moweŵeŵö. Tenga ha baru ma saraeŵa ndraono tola lafazökhi, bahiza tola lafazökhi gambala, tufo, töwa, goni, karu, btn. Ba Eropa lafazökhi göi faoma moweŵeŵö aya-aya ndraono, tofi, lembe, btn.
Ato niha si no manöndra lala ba wamazökhi mesin ba wanoso.
Isöndra mesin wanoso nukha simane me 1589 samösa ere moroi ba Inggris sotöi William Lee. Heŵa'ae iramatua ia si lö irai moweŵeŵö nukha simane ira'alawe, inönö nasa me halöŵönia mo'ere ba tenga halöŵö ba danö, khönia tefa'ele'ö hewisa lala ena'ö aoha wanoso nukha.
Mesin wanagu nukha
[edit | edit source]Heŵa'ae no la'ila niha wamazökhi mesin wanoso nukha me ngaotu ndröfia si-16, awena sa dania me ngaotu ndröfia si-19 lasöndra mesin wanagu nukha.
Singer
[edit | edit source]Umbu
[edit | edit source]- Tim Harford, The Next Fifty Things That Made The Modern Economy, The Bridge Street Press, London, 2020, nga'örö 63-67.
Fabaliŵa lala
[edit | edit source]Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö