Wb/nia/Hendri-hendri ba Wame'e Afo

From Wikimedia Incubator
< Wb‎ | niaWb > nia > Hendri-hendri ba Wame'e Afo
1. Sowatö
Uŵaö ba leu-leu dawuo,
moroi ba danga zowatö,
ha leu-leu dawou danö,
ba na lö khöu abua gölö,
tema ia basö-basö dödö.

1. Tome
Ba datatema nafo,
moroi ba danga zowatö,
ba da tatema nibidi,
nihao ni'a'azökhi,
börö zangehowu Öri.

2. Sowatö
Andrö sibai wa lö sumange,
andrö sibai lö afomi,
bohou si'aikö fönami,
afatö dalu madulai,
ateu dalu gasi-gasi,
mbara ata dawuo sini,
furi zi sagötö mondröi.

2. Tome
Öŵaö-ŵaö wa lö sumange,
balugu yomo ba zowatö,
öŵaö-ŵaö wa lö böwö,
madema-dema ba mahalö,
nafoma sobulu rai wa'a'usö.

3. Sowatö
Öŵaö-ŵaö wa so zumange,
öŵaö-ŵaö wa so mböwö,
no moroi khöu fa'oböwö,
no'öbe zi lö mu'andrö,
faböi aila mbambatömö,
ba zi fasui banua mbö'ö.

3. Tome
Andrö sibai wa so zumange,
yomo ba mbanua ba zowatö,
andrö sibai wa so mböwö,
no mihaya mitanögö,
mbara'ata dawuo lanö,
afo niwau talifusö.

4. Sowatö
Andrö sibai wa lö sumange,
andrö sibai wa lö böwö,
bohou si'aikö fönami,
me no tebua no ahani,
nayama bola afasi.

4. Tome
Andrö sibai wa so zumange,
andrö sibai wa so mböwö,
dörö-dörö ba dangamö,
naya zatua zi'umögö.

5. Sowatö.
Andrö sibai wa lö sumange,
andrö sibai lö afomi,
bohou si'ai me ahani,
mbawaulu dalinga mbatö.

5. Tome
Andrö sibai wa so zumange,
andrö sibai wa so mböwö,
me so zehao sananögö,
mbara'ata dawuo lanö,
yomo andre ba zowatö.

6. Sowatö
Andrö sibai wa lö sumange,
andrö sibai wa lö afomi,
me tenga ha turia khömi,
me no aleu raya wösi,
anöita dawuo sini,
ba mibologö dödömi,
me lö hadöi sumangemi.

6. Tome
Andrö sibai wa so zumange,
andrö sibai wa so mböwö,
me so zehao sananögö,
mbara'ata dawuo lanö,
hulö-hulö dema-dema,
nafakhamö nafalukha.

7. Sowatö
Andrö sibai wa lö sumange,
andrö sibai lö afomi,
me tenga ha turia khömi,
wa no aruru atöfi,
danö sanaha gosali,
tanö naha mböröwösi,
no fao ngenge dawuo sini,
ba mibologö dödömi,
me lö hadöi sumangemi,
furi zatua tendroma li.

7. Tome
Ae ba no mananö dawuo sini,
hiza föna ba zowatö,
no mananö dawuo lara,
irugi nasi dadaunga,
irugi luo mbara'ata,
ösi mbelu ösi mbola,
ba zowatö ba zonuza.




Sura Ni'amoni'ö: Mataio | Mareko | Luka | Yohane | Halöŵö Zinenge | Roma | Korindro I | Korindro II | Galatia | Nefeso | Filifi | Kolose | Tesalonika I | Tesalonika II | Timoteo I | Timoteo II | Tito | Filemo | Heberaio | Yakobo | Fetero I | Fetero II | Yohane I | Yohane II | Yohane III | Yuda | Fama'ele'ö

Fanolo wanura: Lala wanura | Fama'oli nösi | Ngawalö templat | Ngawalö kategori
Kategori: Amaedola | Budaya | Cerpen | Fangi'ila (Ilmu Pengetahuan) | Hendri-hendri | Hoho | Hikaya | Kamus Nias-Jerman | Kese-Kese | Lala wondrino (Resep) | Maena | Manö-manö | Manö-manö Nono Niha | Uso dödö (Entertainment) | Novela | Sejarah | Seni | Sinanö | Sinunö | Sura Ni'amoni'ö | Taromali Ero Migu | Turia Somuso Dödö

Fanolo wofanö: Olayama | Angombakhata | Bawagöli zato | Monganga afo | Nahia wamakori | Nga'örö spesial | Ngawalö wanolo | Sangai halöŵö | Safuria tebulö | Wikibuku | Wikikamus | Wikipedia | Wikiyunior