Wb/nia/Hendri-Hendri ba Wame'e ma Fanema'ö Mböwö

From Wikimedia Incubator
< Wb‎ | niaWb > nia > Hendri-Hendri ba Wame'e ma Fanema'ö Mböwö
Sowatö

1. Ae ba böi mini-mini,
ono matua ba zowatö,
ba böi sa mirara,
ba hiza moroi tou dome,
momöi mame'e sumange,
sizai hili ndrawa Ace.

2. Ae ba böi samini-mini,
ono matua ba zowatö,
ba böi ua mirara-rara,
no tohare mbawi mböwö,
sageu ya'ai kindrö-kindrö,
bawi si falali ifö,
tokhai nifö ba mbagolö,
no möi saita ba zowatö,
ba ae tuturu umönö,
hezo zia'a ba da'ö,
me dua no fagölö-gölö,
ba ya'ahowu sa'atö,
me turiau höngö-höngö,
ba zilazi banua bö'ö.

3. Ae oya si'ai numönö föna,
ba awena numönöda,
zi hulö luo me tohare,
zamohohou samolala, 
zamohohou era'era zamaoso yaŵa yaita,
ba mbalö duhe si döfa,
ba mbalö ndrao ni'ehala,
furi zatua tendromali.

4. Oya si'ai numönö föna,
ba awena numönöda,
zolohe lauru ana'a,
famu'a gömönia böwö,
falö humede mbabatö,
falö moli dalifusö.

5. Namö sa meföna,
mbanua andre ba zowatö,
hiza irugi ma'ökhö,
hatö hohou si fadölö,
isawö manu faföfö,
me tohare'ö umönö.

6. Ae hadia zi'ugu-ugu, 
hadia zirara-rara,
ae ba umönöda i da'ö,
möi ia wame bawi böwö,
sumange zi tenga bö'ö,
ba zowatö ba zahadi.


Tome

1. Hiza ba no tohare dome,
ae badalu newali,
mo möi mame ono mbawi,
bawi sihulö zandrari,
anuzu dödö zamaigi,
ba hatö dali sa ami,
ba na ebolo dödömi,
me lö hadöi sumangemi,
ba turiau höngö-höngö,
ba zilazi mbanua bö'ö.

2. Ae andrö sibai magamö-gamö,
andrö sibai ma'ondrasi,
me so ba zinga nomomi,
gumbu nidanö sörömi,
basö-basö dödö zimöi,
owifa dome sikoli.

3. Ae oya si'ai numönö föna,
umönö simöi molemba,
ba hada'a numönömö,
zi möi mame bawi mböwö,
bawi zihulö zandrari
zaila wamaigi zowatö,
anuzu dödö dalifusö,
ba hatö dali sa'ami,
ba na ebolo dödömi.

4. Ae hiza ono geu manawadanö,
oida numönö solemba,
andrö wa möi mulumö'ö,
raya ba laligeu böwö,
raya ba mboto mazingö,
lumöma na ilau angi,
lumöma na so nemali.

5. Ae andrö si'ai alaŵa luo,
andrö tedou wa'abongi,
no matöröi wo ewali,
ba wamalali ana'a,
ba lö same nifalali,
ana'a si sambua uli,
andrö wa lö sumangemi.

6. Ae ue si sambua bu'u-bu'u,
umönö si möi molemba,
andrö wa möiga wamaböbö,
ba gu'ö samasui tanö.

7. Ae hulö humombo luo ana'a,
hulö humombo löu firö,
möi ia sa mu olembai,
mbua nohi si'otu ba gahe.

8. Hulö alua nowo hagori,
hulö alua nowo mali,
ba hadia si'ai yaŵa nösi,
ha wo'a-wo'a zi'öli,
ba mibologö dödömi,
me lö hadöi sumangemi.

9. Oya si'ai mbanua matörö,
oya mbanua ma'ondrasi,
ba awena mbanua andre,
zi lö tebulö afore,
zi lö tebua lauru fakhe.

10. Ae andrö sibai magamö-gamö, 
andrö sibai ma'olembai,
gaŵöni sebolo lali,
lumöma na so nemali,
lumöma na ilau angi.




Sura Ni'amoni'ö: Mataio | Mareko | Luka | Yohane | Halöŵö Zinenge | Roma | Korindro I | Korindro II | Galatia | Nefeso | Filifi | Kolose | Tesalonika I | Tesalonika II | Timoteo I | Timoteo II | Tito | Filemo | Heberaio | Yakobo | Fetero I | Fetero II | Yohane I | Yohane II | Yohane III | Yuda | Fama'ele'ö

Fanolo wanura: Lala wanura | Fama'oli nösi | Ngawalö templat | Ngawalö kategori
Kategori: Amaedola | Budaya | Cerpen | Fangi'ila (Ilmu Pengetahuan) | Hendri-hendri | Hoho | Hikaya | Kamus Nias-Jerman | Kese-Kese | Lala wondrino (Resep) | Maena | Manö-manö | Manö-manö Nono Niha | Uso dödö (Entertainment) | Novela | Sejarah | Seni | Sinanö | Sinunö | Sura Ni'amoni'ö | Taromali Ero Migu | Turia Somuso Dödö

Fanolo wofanö: Olayama | Angombakhata | Bawagöli zato | Monganga afo | Nahia wamakori | Nga'örö spesial | Ngawalö wanolo | Sangai halöŵö | Safuria tebulö | Wikibuku | Wikikamus | Wikipedia | Wikiyunior