Wb/nia/Halöŵö Zinenge/7/Huhu Zitefano
1 I. Ba imane ere sebua: Hadia, duhu, si manö daʼö?
2 Ba imane Sitefano: He yaʼami, ira talifusö, ba yaʼami, ira ama, mifondrondrongo! No iʼromaʼö ia Lowalangi lakhömi andrö khö duada Aberahamo, me so ia ba Mezofotamia, me löʼö na si möi ia ba Harana, [1]
3 imane khönia: ”Hetaʼö ba danömi ba ba dalifusöu ba ae ba danö niʼoromaʼögu khöu dania.” [2]
4 Ba iheta ia ba danö Galedaia, ba Harana so ia. Ba me no mate namania, ba iheta ia ba daʼö Lowalangi, iʼohe ba danö andre, ba zi so ami iadaʼe. [3]
5 Ba lö ibeʼe khönia ba daʼe tanö ondröita, mitou dania, sambalahe löʼö. Ba ifabuʼu linia, ibeʼe khönia dania, ba khö maʼuwunia mitou; he ŵaʼae lö ono na khönia. [4]
6 Imane sa Lowalangi: ”Si fatewu gana dania maʼuwumö, ba danö böʼö, ba laʼosawuyu ira, ba lafakao, öfa ngaotu fakhe. [5]
7 Ba uhuku dania soi andrö, ba zi möi sawuyu ira, iŵaʼö Lowalangi; ba aefa daʼö ba aheta ira, ba lafosumange ndraʼö ba danö andre.” [6]
8 Ba no ibeʼe khönia wawuʼusa li famoto andrö, ba moʼono ia, Izaʼaki andrö, ba iboto, me no alua zi fitu bongi; ba si manö Gizaʼaki khö yakobo ba yakobo ba wurugö andrö, sifelendrua. [7]
9 Ba afökhö dödö wurugö andrö khö yosefo, ba laʼamawa ba danö Miserayi, ba itolo ia Lowalangi, [8]
10 ba iʼefaʼö ba zamakao yaʼia fefu, ba ibeʼe khönia waʼebua dödö ba faʼatuatua, föna Waraʼo, razo Miserayi, ba ifataro kumandru ba danö Miserayi ia Faraʼo, ba barö mbawania so zi samba omo ndra Faraʼo. [9]
11 Ba so lofo ba danö Miserayi maʼasagörö, ba ba danö Ganaʼana maʼasagörö, famakao sebua, ba lö lasöndra gö ira tuada. [10]
12 Ba me no irongo yakobo, ba danö Miserayi so wakhe, ba ifatenge ndra tuada, si föföna andrö. [11]
13 Ba me lafuli möidania, ba iʼombakhaʼö ia yosefo khö ndra talifusönia, ba terongo khö Waraʼo dalifusö yosefo andrö. [12]
14 Ba ifatenge yosefo, ifakaoniʼö namania yakobo, awö zoroiyomonia fefu fitu ngafulu a lima niha. [13]
15 Ba möi misi tou yakobo, ba danö Miserayi, ba mate, yaʼia ba ira tuada. [14]
16 Ba laʼohe ira misi yaŵa, ba Zikhema, labeʼe ba lewatö andrö, niʼöli Gaberahamo khö nono Hemori, ba Zikhema firö mböli. [15]
17 Ba itugu ahatö mbuʼu li andrö, nifabuʼu Lowalangi khö Gaberahamo, ba itugu tedou ira, tobali ato, ba danö Miserayi, [16]
18 irege so razo böʼö ba danö Miserayi, si lö mangila Yosefo.
19 Daʼö zangonekhesi ba niwada, ifakao ndra tuada, enaʼö latiboʼö nonora, enaʼö böi laʼorifi. [17]
20 Me luo daʼö tumbu Mose, ba ono si sökhi ia wamaigi Lowalangi, ba tölu waŵa laʼorifi ia ba nomo namania. [18]
21 Ba me no latiboʼö ia, ba ihalö ia ono Waraʼo alawe, ba iʼeʼebua, ononia. [19] me no la
22 Ba tefahaö Moze ba ngawalö waʼatuatua Ndrawa Miserayi fefu, ba abölö ia ba huhuo ba ba nifazökhi dangania.
23 Ba me no öfa wulu fakhe ia, ba itörö tödönia wamaigi iwara, Iraono Gizeraëli. [20]
24 Ba me iʼila nifakao, ba zi lö börö, ba itolo, ilau mbalö nifalangögö andrö, ibunu Ndrawa Miserayi andrö.
25 Ba iwai aboto ba dödö niwara, iʼefaʼö iratangania Lowalangi, ba lö aboto ba dödöra.
26 Ba mahemolu ö, ba so ia, me fasoso ira, ba iʼaʼatulö ira enaʼö, afu labato, imane: Si fatalifusö ami, hana wa mifakao nawömi, ba zi lö börö? [21]
27 Ba ituliʼö ia samalangögö awönia no mege, imane: Ha niha zamataro yaʼugö salaŵa ba sanguhuku, ba khöma?
28 Hadia, öbunu göi ndraʼo enaʼö, si mane famunumö Dawa Miserayi andrö, no menewi?
29 Ba moloi Moze, ba niŵaʼönia andrö, ba tobali si fatewu ia ba danö Midiano, moʼono ia ba daʼö, ono matua, dombua. [22]
30 Ba me no irugi öfa wulu fakhe, ba iʼoromaʼö ia khönia malaʼika, ba danö si mate ba gahe hili Zinaʼi, ba holahola galitö, ba ngafu ndroi. [23]
31 Ba me iʼila daʼö Moze ba ahölihöli dödönia gangilata andrö. Ba me iʼondrasi, ba wamaigi, ba humede Zoʼaya, imane:
32 ”Lowalangi ndra tuau ndraʼodo, Lowalangi ndra Aberahamo, Izaʼaki, yakobo.” Ba manizinizi Moze, ataʼu ia ifaigi. [24]
33 Ba imane khönia Soʼaya: ”Heta mbadagahe ba gaheu: tanö niʼamoniʼö sa danö andrö, ba zi so ndraʼugö. [25]
34 No ufaigi si bai wamakao banuagu andrö, si so ba danö Miserayi, ba fangaröngaröra ba no urongo, ba no möido tou mangefaʼö yaʼira, ba aine sa, daʼufatenge ndraʼugö ba danö Miserayi.” [26]
35 Moze andrö, niʼositengagöra, me lamane: Ha niha zamataro yaʼugö salaŵa ba sanguhuku? Daʼö nifatenge Lowalangi salaŵa ba sangefaʼö, nitolo tanga malaʼika, sangoromaʼö yaʼia khönia, ba ngafu ndroi andrö. [27]
36 Daʼö zamawuʼa yaʼira, wamazökhi ilaʼila ba tandra, ba danö Miserayi ba ba nasi soyo ba ba danö si mate, öfa wulu fakhe waʼara. [28]
37 Daʼö Moze andrö, sangumaʼö ba Ndraono Gizeraëli: ”Iʼasogö khömi Lowalangi zamaʼeleʼö, si mane yaʼö, talifusömi.” [29]
38 Daʼö zi so ba walukhata andrö, ba danö si mate, awö malaʼika andrö, sihede khönia, ba hili Zinaʼi, ba awö ndra tuada, yaʼia zanema taroma li sauri, ba wamaʼema khöda; [30]
39 yaʼia zi lö edöna lafondrondrongo li ira tuada; latimba ia, ba lö aefa dödöra ba danö Miserayi, [31]
40 wangumaʼö khö Gaʼaroni: Fasökhi khöda Lowalangi, sowaöwaö fönada. Löʼö sa maʼila, hadia zi göna Moze andrö, sangeheta yaʼaga ba danö Miserayi. [32]
41 Ba lafazökhi nono zaŵi, me luo daʼö, ba labeʼe zumange ba nadu andrö, ba omuso dödöra ba nifazökhi dangara andrö. [33]
42 Ba iʼerogö ira Lowalangi, ilulu ira, enaʼö lafosumange zabölö mbanua si yaŵa; si mane nisura ba zura zamaʼeleʼö: ”Hadia, no mibeʼe khögu zumange nitaba ba sumange böʼö, si öfa wulu fakhe no, ba danö si mate, yaʼami Iraono Gizeraëli? [34]
43 Ba no miʼosaʼö nose Molokho andrö, awö ndröfi Lowalangi andrö, Refano, famaedo andrö, nifazökhimi, ba wangalulu khönia. Ba ufawuʼa ami, ba zi tambai Mbabilona uʼohe ami.” [35]
44 No so khö ndra tuada nose wamaduhuʼö andrö, ba danö si mate; no laʼoʼö niŵaʼö zihede khö Moze, wamazökhi yaʼia, laʼoʼö wamaedo andrö niʼilania. [36]
45 Laʼohe göi ba danö daʼö ira tuada, me no latema, awö yosua, me lalaŵa niha baero andrö, nitimba Lowalangi föna ndra tuada, irugi luo so Dawido, [37]
46 si falukha faʼebua dödö Lowalangi. Ba iʼandrö, enaʼö na isöndra naha khö Lowalangi yakobo. [38]
47 Ba Selomo zolau omo khönia. [39]
48 Ba lö iʼonahia Fondrege Zalaŵa nifazökhi tanga niha; imane samaʼeleʼö: [40]
49 ”Dadaomagu zorugo ba danedane gahegu danö. Hadia nomo nilaumi khögu? iŵaʼö Soʼaya, ba hadia naha wolombase khögu. [41]
50 Tenga no tangagu zamazökhi daʼe fefu?”
51 He yaʼami, sabeʼe börö duʼi, si lö muboto tödö ba tögi dalinga! Lö aetu mamadaö ami khö Geheha niʼamoniʼö, hulö si mane ira tuami, si manö göi ami. [42]
52 Hezo zamaʼeleʼö, si lö lagohi ira tuami? Ba no labunu zangöhönagö mangombakha faʼaso zatulö andrö, niʼami böli iadaʼe, nibunumi, [43]
53 yaʼami, si no manema oroisa, nifaʼema malaʼika, ba si lö moloʼö yaʼia. [44]
(Halöŵö Zinenge 7:1-53)
Famotokhi ba gahe[edit | edit source]
- ↑ (F. 22, 1)
- ↑ (Moz. I. 11, 31; 12, 1 b. t.)
- ↑ (Yes. 24, 2. 3)
- ↑ (Moz. I. 12, 7)
- ↑ (Moz. I. 15, 13 b. t. Moz. II. 12, 40. Gal. 3, 17)
- ↑ (Moz. II. 3, 12)
- ↑ (Moz. I. 17, 10 b. t.; 21, 2 b. t.; 25, 26; 35, 22 b. t.)
- ↑ (Moz. I. 37)
- ↑ (Moz. I. 32; 41, 37 b. t. Sin. 105, 21)
- ↑ (Moz. I. 41, 54 b. t.)
- ↑ (Moz. I. 42, 1 b. t.)
- ↑ (Moz. I. 45, 1; 4, 16)
- ↑ (Moz. I. 45, 9 b. t. 46, 27)
- ↑ (Moz. I. 46, 1; 49, 33)
- ↑ (Moz. I. 50, 13; 23, 16. 17)
- ↑ (Moz. II. 1, 7 b. t.)
- ↑ (Moz. II. 1, 10. 22. Moz. V. 26, 6)
- ↑ (Moz. II. 2, 2. Heb. 11, 23)
- ↑ (Moz. II. 2, 5—10)
- ↑ (Moz. II. 2, 11 b. t.)
- ↑ (Moz. II. 2, 13)
- ↑ (Moz. II. 2, 15 b. t.; 18, 3. 4)
- ↑ (Moz. II. 3, 2 b. t.)
- ↑ (Mat. 22, 32)
- ↑ (Moz. II. 3, 5. yos. 5, 15)
- ↑ (Moz. II. 3, 7 b. t.)
- ↑ (Moz. II. 3, 19. 20. Yes. 63, 9—12)
- ↑ (Moz. II. 7, 10 b. t.; 14, 21 b. t. Sin. 106, 21 b. t.)
- ↑ (Moz. V. 18, 15)
- ↑ (Moz. II. 19, 3. 20. Moz. V. 32, 47)
- ↑ (Moz. II. 16, 3)
- ↑ (Moz. II. 32, 1 b. t.)
- ↑ (Hes. 20, 7 b. t.)
- ↑ (Rom. 1, 24 b. t. Moz. V. 17, 2 b. t. Yer. 7, 23 b. t. Amos. 5, 25 b. t.)
- ↑ (Sal. I. 11, 7. Sal. II. 17, 6 b. t.)
- ↑ (Moz. II. 25, 9. 40; 26, 30)
- ↑ (yos. 3, 14 b. t. Moz. II. 23, 29 b. t.; 34, 11)
- ↑ (F. 13, 22. Sam. I. 16, 12. Sin. 132, 5)
- ↑ (Sal. I. 6)
- ↑ (Sal. I. 8, 27 b. t.)
- ↑ (Yes. 66, 1. 2. Yer. 23, 24. Mat. 5, 34)
- ↑ (Moz. V. 9, 24; 10, 16. Yer. 6, 10; 9, 26)
- ↑ (Ngaʼöt. II. 36, 16. Mat. 23, 31. 37)
- ↑ (Moz. II. 20. Yoh. 7, 19. Heb. 2, 2. Gal. 3, 19)
Faza 7: Huhu Zitefano (1-53) | Faʼamatenia (54-60)
Fabaliŵa lala[edit source]
Fanolo ba wanura: Lala wanura • Fama'oli nösi • Ngawalö templat • Ngawalö kategori
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö