Wb/nia/Halöŵö Zinenge/5/Gamalieli
34 IV. Ba maoso zamösa ba rafe sebua, farizaio, Gamaliëli döinia, samahaö ba goroisa, niʼomasiʼö niha sato, iŵaʼö lafofanö baero maʼifu niha andrö. [1]
35 Ba imane khöra: He yaʼami, Iraono Gizeraëli, miʼangelama, ba nilaumi ba niha andrö.
36 Lö ara na sa, ba maoso Doida andrö, sangumaʼö sebua ia, ba möi awönia niha, mato öfa ngaotu; ba no labunu ia ba tefazawili fefu, ha waʼato zi fao khönia, ba tobali faya. [2]
37 Aefa daʼö, ba maoso Yuda andrö, banua Galilaia, me luo latanö ba zura döi niha, ba idönisi niha, ba woloʼö khönia; ba nibunu göi daʼö, ba nifazawili fefu, ha waʼato zoloʼö khönia. [3]
38 Ba iadaʼe ba uŵaʼö khömi: Miböhöli niha andrö, ba böi mitegu ira. Na moroi ba niha lala andrö, awö nilau andrö, ba si lö fozu dania. [4]
39 Ba na moroi ba Lowalangi, ba tebai mitenaŵa, fa böi göi samadaö khö Lowalangi ami. [5]
40 Ba laʼoʼö khönia; ba humede ira ba zinenge no mege, lafaböziʼö, ba laŵaʼö khöra, böi latötöi döi Yesu andrö; ba laʼefaʼö ira. [6]
41 Ba laröi saʼae rafe sebua, omuso dödöra, me no tetehe khöra, laʼoʼaya ira, börö döi andrö. [7]
42 Ba lö labato wamahaö ba fangombakha Yesu Keriso ba gosali ba ba nomo misa, ero maʼṍkhö. [8]
Famotokhi ba gahe[edit | edit source]
- ↑ (F. 22, 3)
- ↑ (F. 21, 38)
- ↑ (Luk. 2, 2)
- ↑ (Mat. 15, 13)
- ↑ (Amaed. 21, 30. Yes. 8, 10. F. 23, 9)
- ↑ (F. 4, 17. 18)
- ↑ (Mat. 5, 10—12. Luk. 21, 17. Fet. I. 4, 13)
- ↑ (Mar. 16, 15)
Faza 5: Anania ba Safira (1-11) | Tandra nifazökhi zinenge (12-16) | Lakuru zui zinenge ba teʼefaʼö dania (17-33) | Gamalieli (34-42)
Fabaliŵa lala[edit source]
Fanolo ba wanura: Lala wanura • Fama'oli nösi • Ngawalö templat • Ngawalö kategori
Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö