Wb/nia/Halöŵö Zinenge/21/Moloyo Waulo isaŵa Yeruzalema
1 I. Ba me no maʼefaʼö ndraʼaga khöra, ba moloyo ndraʼaga, madölöga ba Go, ba mahemolu ö, ba marugi Rodo, ba moroi ba daʼö, ba masaŵa Watara.
2 Ba me masöndra nowo, si möi ba Wönikia, ba möiga yaŵa ba moloyoga.
3 Ba me oroma khöma Gifero, ba maröi ba gabera ba masaŵa Ziria, marugi si tou Diro; ba daʼö sa labokai nösi nowo.
4 Ba me falukhaga nifahaö, ba tebatoga ba daʼö, fitu bongi. Ba laŵaʼö khö Waulo, moroi ba Geheha niʼamoniʼö, böi möi ia misi yaŵa, ba Yeruzalema. [1]
5 Ba me no fitu bongima, ba mahetaga, mofanöga, lafasaoga, dozi ira, awö ndra alawe, awö ndraono, irugi baero mbanua; ba mabalöduhini tou danö, baene, mangandröga. [2]
6 Ba fabaliga, ba möiga baowo, ba yaʼira, ba lafuli ira miyomo.
7 Ba maʼasiwai woloyo, maʼotarai ba Diro, masaŵa Wetolemaʼi, maʼowai dalifusö, ba maʼiagö khöra, sara wongi.
8 Ba mahemolu ö, ba mofanöga, ba marugi Kaizaria. Ba möiga yomo khö Wilifo, sangombakha andrö, awö zi dafitu no, ba tebatoga khönia.
9 Ba so nononia, öfa, ono alawe, samaʼeleʼö. [3]