Jump to content

Wb/nia/Halöŵö Zinenge/21/Irugi Yeruzalema

From Wikimedia Incubator
< Wb‎ | nia‎ | Halöŵö Zinenge‎ | 21
Wb > nia > Halöŵö Zinenge > 21 > Irugi Yeruzalema
FAZA 21

15 III. Ba me aefa daʼö, ba mafaʼanö ndraʼaga, ba möiga misi yaŵa ba Yeruzalema.

16 Ba möi awöma nifahaö, banua Kaizaria, ösa, solohe yaʼaga ba zi möiga tome, khö Menaso, banua Gifero, nifahaö si no ara.

17 Ba me no marugi Yeruzalema, ba omuso dödö dalifusö, me no soga.

18 Ba mahemolu ö, ba iʼohega Faulo, weʼamöi khö yakobo, ba ahori so zatua. [1]

19 Ba me no iʼowai ira, ba izarazara wangombakha, he iwisa Lowalangi ba niha baero, ba halöŵönia andrö.

20 Ba yaʼira, me larongo, ba lasuno Lowalangi, ba lamane khönia: öʼila gaʼa, ha waʼoya ngahönö zi no mamati, ba oi laʼoʼö sibai goroisa. [2]

21 Ba no teʼombakhaʼö khöra, ba khömö andrö, öŵaʼö ba niha Yehuda fefu, si fatewu ba niha baero, laʼerogö Moze; öŵaʼö khöra, böi laboto nonora, ba böi laʼoʼö gamakhoita andrö. [3]

22 Ba he wisa ia? Lö fulitö, ato zowulo dania; larongo sa, wa no soʼö.

23 Ba oʼö daʼe, niŵaʼöma khöu: Daöfa khöma niha si so amabuʼula li,

24 khöra ha yaʼira, mifao daʼö, fahaogöʼö ndraʼugö, awöra, ba taha gahakhöŵa khöra, enaʼö lafatöwöʼö ira, ba laʼila mötṍ dozi, wa no faya niʼombakhaʼö khöra, ba khömö andrö, ba ötörö sa, ba khömö göi, lala woloʼö oroisa. [4]

25 Ba ba zamati niha baero andrö, ba no mafaʼoheʼö zura, no mahonogöi, böi lababaya gö nadu ba do ba nitögi bagi ba fohorö. [5]

26 Ba ihalö awönia niha andrö Faulo, ba mahemolu ö, ba möi ia ba gosali, me no ifahaogöʼö ia, awöra, iʼombakhaʼö waʼawai mbongi wangehao andrö, irugi tedozigö ira wameʼe sumange andrö. [6]

(Halöŵö Zinenge 21:15-26


  1. (F. 15, 13. Gal. 1, 19).
  2. (F. 15, 1).
  3. (F. 16, 3. Rom. 10, 4).
  4. (F. 18, 18).
  5. (F. 15, 20, 29).
  6. (Moz. IV. 6, 13. 14).