Wb/nia/Halöŵö Zinenge/21/Fama'ele'ö Nagabo
FAZA 21
10 II. Ba me ara maʼifu ndraʼaga, ba daʼö, ba so moroi si yaŵa ba yudaia zamaʼeleʼö, Agabo döi. [1]
11 Ba möi ia khöma, ihalö mböbö talu Waulo, iböbö gahenia, awö dangania, ba imane: Daʼö niŵaʼö Geheha niʼamoniʼö: Lamanö dania wamöbö niha sokhö böbö talu andre niha Yehuda, ba Yeruzalema, ba latouʼö ba danga niha baero. [2]
12 Ba me marongo daʼö, ba mangandrö ndraʼaga khö Waulo, awö mbanua daʼö, böi möi ia misi yaŵa, ba Yeruzalema. [3]
13 Ba itema lima Faulo, imane: Hadia khömi daʼö, wa megeʼege ami, wa mibusi dödögu? No aoha manö sa gölögu, tenga ha ba wameʼe niböbö yaʼo, ba waʼamate göi, ba Yeruzalema, na börö döi Zoʼaya, Yesu.
14 Ba me lö iʼoʼö khöma, ba löʼö saʼae muhedega, mamane: Yaʼitörö zomasi Zoʼaya.