Jump to content

Wb/nia/Halöŵö Zinenge/20/Isusugi Oitikho

From Wikimedia Incubator
< Wb‎ | nia‎ | Halöŵö Zinenge‎ | 20
Wb > nia > Halöŵö Zinenge > 20 > Isusugi Oitikho
FAZA 20

7 II. Ba me luo migu, me owulo ndraʼaga, ba wamoboto roti, ba fahuhuo Waulo khöra, sara wongi aefa ö edöna mofanö ia; ba iʼaragö huhuonia, irege talu mbongi. [1]

8 Ba oya wandru ba mbateʼe andrö, ba zi sagötö yaŵa, ba zowulo ira.

9 Ba dumadao ba zandrela nono matua, Oitikho döi, ba mörö sibai, me iʼaragö huhuonia Faulo, ba me no abölö mörö ia, ba aekhu tou ia, dua götö waʼalaŵa; ba lafazaŵa ia, no mate.

10 Ba möi tou Waulo, ifalögu ia ba dotonia, italagui, imane: Böi mifagua-gua, so sa nosonia. [2]

11 Ba ifuli ia yaŵa, iboboto roti, ba manga, ba ara na fahuhuo ia, irege moluo, ba mofanö ia.

12 Ba laʼohe nono matua no mege, auri, ba tenga ha maʼifu terara dödö.

13 Ba yaʼaga, ba mowaöwaö baowo, moloyo ndraʼaga ba Gaso, ba wangai khöma Faulo, ba daʼö, me no imanö wangohonogöi, me edöna itörö tánö.

14 Ba me ikhamö ndraʼaga ba Gaso, ba matema ia, ba marugi Mitilene. 15 Ba moloyoga moroi ba daʼö, ba mahemolu ö, ba marugi gamaudu khio; ba sara wongi aefa daʼö, ba masaŵa Zamo, ba mahemolu ö, ba marugi Mileti.

16 Noa sa ihonogöi Faulo, italuʼi Nefeso, fa lö arörö ia ba Azia; aösö ia; omasi ia ba Yeruzalema so ia na luo wendrakose, na tola ikhamö. [3]

(Halöŵö Zinenge 20:7-16


  1. (Kor. I. 16, 2. F. 2, 42. 46).
  2. (Sal. I. 17, 21).
  3. (F. 18, 21; 21, 4. 12).