Jump to content

Wb/nia/Halöŵö Zinenge/17/Fe'asonia ba Natena

From Wikimedia Incubator
< Wb‎ | nia‎ | Halöŵö Zinenge‎ | 17
Wb > nia > Halöŵö Zinenge > 17 > Fe'asonia ba Natena
FAZA 17

16 III. Ba me ibalobaloi ira ba Natena Faulo, ba mofönu bakha dödönia, me iʼila, no fahöna nadu ba mbanua.

17 Andrö fahuhuo ia ba zekola ba niha Yehuda, ba ba zangataʼufi Lowalangi, ba ba kade, ero maʼökhö, ba zi so ba daʼö.

18 Ba falukha khönia göi ösa wilosofo, efikuraio ba sitoʼiko, ba lamane ösa: Hadia niŵaʼö zi faweawea andrö? Ba so zangumaʼö: Hulö na sangombakha Lowalangi böʼö ia; me iʼombakhaʼö khöra Yesu ba femaoso zi mate andrö. [1]

19 Ba lasöbi ia, laʼohe ba hili-hili Garesi, lamane: Hadia, tola marongo, hadia huku si bohou andrö, niʼombakhaʼöu?

20 Si bohou sa öfarongogö khöma, andrö omasiga, marongo, hadia ia.

21 Awai sa zomasi mbanua Natena andrö fefu, awö niha böʼö, si no fatewu khöra, ha fangombakha ba famondrongo si bohou so.

22 Ba ba dalu hili-hili Garesi so Waulo, ba imane: He yaʼami, banua Natena! oroma manö khögu, wa no sabölö mangataʼufi Lowalangi ami.

23 Me utöröi wamaigi sibai nifosumangemi, ba noa sa usöndra göi naha wameʼe sumange, nisura yaŵa: ”khö Lowalangi si lö taʼila.” Ba niʼataʼufimi andrö, he lö miʼila ia, daʼö niʼombakhaʼögu khömi.

24 Lowalangi andrö, samazökhi danöʼa ba ösinia, fefu, ba lö iʼonahia gosali nifazökhi tanga niha, me no Soʼaya sorugo ia, ba Soʼaya tanö; [2]

25 tebai göi tefosumange ia tanga niha, hulö na moguna khönia hadia ia, me no yaʼia zameʼe ba niha fefu noso ba hanuhanu, awö fefu hadia ia. [3]

26 Ba moroi khönia wa no dumadao fefu soi niha ba guli danö maʼasagörö, si ha sambua böröta; ba no iʼötö khöra mbongi, no ihönagö ihonogöi, awö nola nahara andrö. [4]

27 Enaʼö laʼalui Lowalangi, ma atö laʼila lababaya ia ba lasöndra, me löʼö sa atö aröu ia khöda fefu; ba khönia sa auri ita,

28 ba khönia maliŵaliŵa ita, ba khönia so ita, si mane niŵaʼö zanunö ösa khömi göi: ”Ngaʼötönia sa ita.”

29 Ba me no ngaʼötö Lowalangi ita, ba lö tola taŵaʼö tötöda, no fakhili-khili Lowalangi ba ganaʼa, ba ma ba wirö, ba ma ba gara, ba wamaedo nifazökhi niha, ba waʼatukania ba ba nisöndra dödönia. [5]

30 Ba noa sa iʼosilömilagö Lowalangi götö me lö laʼila watahögö niha, ba iadaʼe, ba iŵaʼö ba niha fefu wamalalini eraʼera,

31 gofu heza so ira, me no iʼötö mbongi, ba nihukunia dania ösi guli danö, iʼatulöʼö wanguhuku, so zanguhuku, si no ihonogöi, wangoroʼö famati ba niha fefu, wanusugi yaʼia moroi ba ngai zi mate. [6]

32 Ba me larongo wemaoso zi mate andrö, ba so zaʼiki ösa, ba so göi zangumaʼö: Mafuli mafondrondrongo na khöu daʼö.

33 Ba iheta ia khöra Faulo.

34 Ba lö laröi ia ira matua ösa ba mamati, samösa göi Dionizio, salaŵa rafe ba hili-hili Garesi andrö, ba samösa ndra alawe, Damari döi, ba so dánö böʼö na, awöra.


(Halöŵö Zinenge 17:16-34)

Famotokhi ba gahe[edit | edit source]

  1. (Kor. I. 4, 12)
  2. (F. 7, 48);
  3. (Sin. 50, 8. 9)
  4. (Moz. V. 32, 8)
  5. (Moz. I. 1, 27. Luk. 24, 47)
  6. (Rom. 10, 14)


Faza 17: [[Wb/nia/../Fe'aso Waulo ba Desalonika/|../Fe'aso Waulo ba Desalonika/]] (1-9) | [[Wb/nia/../Fe'asonia ba Mberoia/|../Fe'asonia ba Mberoia/]] (10-15) | [[Wb/nia/../Fe'asonia ba Natena/|../Fe'asonia ba Natena/]] (16-34)


Fabaliŵa lala[edit source]

Fanolo ba wanura: Lala wanuraFama'oli nösiNgawalö templatNgawalö kategori

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö