Jump to content

Wb/nia/Halöŵö Zinenge/14/ba ba Lisitera.

From Wikimedia Incubator
< Wb‎ | nia‎ | Halöŵö Zinenge‎ | 14
Wb > nia > Halöŵö Zinenge > 14 > ba ba Lisitera.
FAZA 14

8 II. Ba so ba Lisitera niha, sidao-dao, si tebai mofanö, sombuyu-mbuyu töla, moroi ba dalu ninania, alukhö mowaö-waö ia. [1]

9 Ba irongo, me fahuhuo Waulo. Ba inehegö ia Faulo, iʼila, so khönia wamati, wa tola döhö wökhönia, [2]

10 ba imane, ebua linia: Atulöʼö wezizio ba gaheu! Ba iʼamarögaʼö yaʼia ba mowaö-waö. [3]

11 Ba me laʼila niha sato nilau Waulo, ba lamane ba li Likaʼonia: No tobali fakhili-khili ndra Lowalangi ba niha, ba no möi mitou khöda. [4]

12 Ba labeʼe töi Mbaranaba Yufitero ba töi Waulo, ba Merekuri, me yaʼia zi fahuhuo.

13 Ba iʼohe ba mbawa göli göröbao ba bunga ere Yufitero andrö, si so ba ngai mbanuara, ba möi awönia niha sato, lafosumange ira enaʼö.

14 Ba me larongo daʼö sinenge Baranaba ba Faulo, ba lasika nukhara, fagohi ira lasaŵa zato, muʼao ira, lamane:

15 He yaʼami, hana wa mimanö? Niha göi ndraʼaga, si mane yaʼami, sangombakha khömi turia somuso dödö, enaʼö miröi waya andrö, ba enaʼö mifuli ami khö Lowalangi sauri, samazökhi banua si yaŵa, awö danö, awö nasi, awö nösi fefu; [5]

16 si no manehe ba götö si no numalö, latörö larara niha baero fefu; [6]

17 he ŵaʼae lö ibiniʼö ia, wanolo, wameʼe khömi teu moroi yaŵa ba baŵa sowua zinanö, ba wangabuso tödömi ö ba faʼomuso dödö. [7]

18 Ba me laŵaʼö daʼö, ba ha siʼaikö fanenaŵa sato, fa lö lafosumange ira.

19 Ba so niha Yehuda, si otarai Gandriokhia ba Ikonia, ba lafarou niha sato, ba latebu kara Waulo, ba lafondröni hakhi baero mbanua, lawai no mate ia. [8]

20 Ba me lafasui ia nifahaö, ba maoso ia, möi ia miyomo. Ba sara wongi aefa daʼö, ba mofanö ia, awö Mbaranaba, lasaŵa Ndrarebe.



(Halöŵö Zinenge 14:8-20)

Famotokhi ba gahe

[edit | edit source]
  1. (F. 3, 2 b. t.)
  2. (Mat. 9, 28)
  3. (F. 3, 8)
  4. (F. 28, 6)
  5. (F. 10, 26; 17, 23. 24. Tes. I. 1, 9)
  6. (F. 17, 30. Rom. 1, 24)
  7. (Rom. 1, 19 b. t. Yer. 5, 24. Mat. 5, 45)
  8. (F. 13, 14. 50. Kor. II. 11, 25)


Faza 14: Feʼaso ndra Faulo Baranaba ba Nikonia, (1-7) | ba ba Lisitera. (8-20) | Fangawulira ba Gandriokhia. (21-28)


Fabaliŵa lala

[edit source]

Fanolo ba wanura: Lala wanuraFama'oli nösiNgawalö templatNgawalö kategori

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö