Jump to content

Wb/nia/Halöŵö Zinenge/11/Ibuʼa ba hulunia Fetero, me no ifaʼamöi banua Yesu niha baero.

From Wikimedia Incubator
< Wb‎ | nia‎ | Halöŵö Zinenge‎ | 11
Wb > nia > Halöŵö Zinenge > 11 > Ibuʼa ba hulunia Fetero, me no ifaʼamöi banua Yesu niha baero.
FAZA 11

1 I. Ba larongo sinenge ba talifusö, ba Yudaia misa, laʼoʼö göi li Lowalangi niha baero. [1]

2 Ba me so moroi si tou Wetero, me möi ba Yeruzalema,

3 ba lategu ia niboto, lamane: No möiʼö ba niha si lö muboto, no orudu manga ndraʼugö khöra. [2]

4 Ba ibörötaigö Fetero, izarazara wanutunö khöra, imane:

5 Sodo ba Yofe, mangandrö ndraʼo; ba uʼila, me abeta nosogu, gangilata, nahia silalö mitou, hulö lembe sebolo, nifotaŵi-taŵi fatalinga si öfa, wanada yaʼia moroi ba mbanua si yaŵa, ba irugi ndraʼodo. [3]

6 Ba utöngö, ufaigi-faigi, ba uʼila bakha zaliŵa-liŵa ba danö, si öfa ahe, awö gutu ndruʼu si faraʼu ba kuö-kuö ba fofo ba dalu mbanua.

7 Ba urongo göi li, imane khögu: Faoso Fetero, taba ba ā!

8 Ba umane: Ai tebai, Tua, me lö irai itörö mbawagu si lö sökhi ba si raʼiö.

9 Ba itema zui ligu sihede andrö, moroi ba mbanua si yaŵa, imane: Böi bali si lö sökhi nihaogö Lowalangi.

10 Ba medölu zi manö, ba tedöni zui miyaŵa, ba mbanua si yaŵa, fefu.

11 Ba hiza, ba daʼö sibai so bagolayama nomo andrö, ba zi soga, niha andrö, nifatenge khögu, moroi ba Kaizaria.

12 Ba iŵaʼö khögu Eheha, möido awöra, böi manufa dödögu. Ba möi göi awögu dalifusö, si daönö andre, ba möiga yomo ba nomo niha andrö. [4]

13 Ba iʼombakhaʼö khöma, he wisa wangilania malaʼika andrö, yomo khönia, sangumaʼö: Fatenge ba Yofe, ba fakaoniʼö Zimoni andrö, nifotöi Fetero,

14 daʼö zangumaʼö khöu taroma li, fangorifiu, ba fangorifi zoroiyomou fefu. [5]

15 Ba me ubörötaigö fahuhuo, ba aekhu Geheha niʼamoniʼö ba khöra, si mane ba khöda göi, ba mböröta. [6]

16 Ba itörö tödögu niŵaʼö Zoʼaya, me imane: ”Idanö nibayagö Yohane, ba yaʼami, ba nibayagö Eheha niʼamoniʼö.” [7]

17 Ba na faoma gameʼela, nibeʼe Lowalangi khöra nibeʼenia khöda, samati khö Zoʼaya yaʼita, Yesu Keriso, ba ha niha ndraʼo? Hadia tola utenaŵa Lowalangi? [8]

18 Ba me larongo daʼö, ba lö hedehedera, ba lasuno Lowalangi, lamane: Ba noa sa ibeʼe ba niha baero göi Lowalangi wamalalini eraʼera ba wangorifi. [9]


(Halöŵö Zinenge 11:1-18)


Famotokhi ba gahe

[edit | edit source]
  1. (F. 10, 44 b. t. Efes. 3, 1 b. t.)
  2. (F. 10, 28)
  3. (F. 10, 9 b. t.)
  4. (F. 10, 23)
  5. (F. 10, 6; 16, 30. 31)
  6. (F. 10, 44)
  7. (F. 1, 5)
  8. (F. 17, 47)
  9. (F. 5, 31)


Faza 11: Ibuʼa ba hulunia Fetero, me no ifaʼamöi banua Yesu niha baero. (1-18) | Si föföna moloʼö ba Gandriokhia. (19-26) | Agabo. (27-30)


Fabaliŵa lala

[edit source]

Fanolo ba wanura: Lala wanuraFama'oli nösiNgawalö templatNgawalö kategori

Bale zato: OlayamaAngombakhataBawagöli zatoMonganga afoNahia wamakoriNga'örö spesialNgawalö wanoloSafuria tebulöSanandrösaSangai halöŵö