Wb/nia/Fame afo

1. Sowatö
Uŵaö ba no tabe'e nafo... Siyalagae.
Ae ba danga domeda,
Ha köli-köli mbua mawö,
Ha leu-leu dawuo danö,
Föfö nafo zirehenö
Furi zatua si sagötö.

1. Tome
Ŵaö ba no tatema nafo...Siyalagae
Moroi ba danga zowatö,
Ba te'öwai afo manö,
Föfö nafo ndrundru tanö,
Si fao me ladada mböwö,
Raya ba mboto Mazingö.

2. Sowatö
Uŵaö ba fino si sambua...Siyalagae
Uŵaö tawuo si sagörö
Ba databidi göi atö,
Hadia fadozi ma lö'ö
Ayau wa'ebolo dödö,
Amagu (Inagu) motöi ya'ugö.

2. Tome
Uŵaö ba no tatema nafo...Siyalagae.
Moroi ba danga zowatö,
Afo basö-basö dödö,
Simanga lötolalö'ö,
Taya wa'owökhi dödö.

3. Sowatö
Andrö sibai wa lö sumange...Siyalagae.
Andrö sibai wa lö böwö,
Moroi khöma ba zowatö,
Bohou sibai föna andrö,
Ba me tebua me mofanö,
Nuwu galimawa firö,
No isaŵa nasi siridö,
Andrö wa lö sumangemö,
Ya'ami tome ma'ökhö.

3. Tome
Uŵaö andrö wa so zumange...Siyalagae.
Andrö sibai wa so mböwö,
Föna khömi ba zowatö,
Ba no migirö-girö'ö,
Ba mbari tuho ma'usö,
Nuwu galimawa firö,
Nuwu zalafa sa'usö,
Zumange dome ma'ökhö.

4. Sowatö
Duhu no mananö dawuo...Siyalagae.
No mananö dawuo sini,
khöma mbanua ba zowatö,
Ba lö fakhamö mogasi,
No itörö simatua nangi,
Afatö mbulu oköli,
Ateu dalu gasi-gasi,
Andrö wa lö sumangemi,
Ya'ami tome sangondasi.

4. Tome
Hiza no mananö dawuo...Siyalagae
No mananö dawuo sini,
Föna khömi ba zohadi,
Ba no moŵa'a molali,
No mowanua mowalikhi,
Nuwu galimawa öri,
Sumange dome sangondasi.

5. Sowatö
Andrö sibai wa lö sumange...Siyalagae.
Andrö sibai wa lö böwö,
Moroi khöma ba zowatö,
No mangahani mofanö,
Nayama bola kirimö,
Isaŵa geno'o tanö,
Isui zalogotö firö
Mangona-ngona ia khö,
Ba mofanödo mofanö,
U'ohe nayagu böwö,
Me lö So'aya lö sokhö,
Me lö satua sangirö'ö
Yomo ba dalinga mbatö.
Andrö wa lö sumangemö
Ya'ami tome ma'ökhö.

5. Tome
Uŵaö ba lö sa si tebua...Siyalagae..
Uŵaö ba lö sa sofanö
Nuwu zalafa sa'usö,
Nuwu galimawa firö,
Yomo khömi ba zowatö,
Dasiwa yomo numönö,
No lahaogö wangirö'ö
No la'ehao labini'ö,
Ba mbari tuho ma'usö,
Zumange dome ma'ökhö.

6. Sowatö
Hulö mamidi ziwohia...Siyalagae
Hulö mamidi ziwaohe,
Da'ufagaölö ua atö,
Nganga na lö ogoro'ö,
Tibo'ö na lö alimagö,
Ba böi tibo'ö ba zahatö,
Tibo'ö ba nasi siridö,
Afoda na atua danö.

6. Tome
Hulö mamidi Nazarata... Siyalagae.
Hulö mamidi Nazari,
No ibe'e gurakhi ba mbalö,
No ibe'e mohua ba ziföfö,
Simanga lö itibo'ö lölö,
Fagaölö ögu zaratö.
Ami siliö wa'odo'ö.

Fabaliŵa lala

Fanolo ba wanura: Lala wanura • Fama'oli nösi • Ngawalö templat • Ngawalö kategori

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö