Wb/nia/Asu Gatua ba Ono Nambi

So sara nono nambi si no ibörötaigö tumbu ŵaha. Börö da'ö imane tödönia wa no ebua-bua ia ba no tola sa'ae mofanö samösa ia.

Me tanö owi me ikaoni ia inania moroi ba nahia wemanga ndru'u, ena'ö mangawuli ba nomo, lö ifondrondrongo li ninania. Itohugö manö wemanga ndru'u.

Lö ara aefa da'ö me ifazaŵa hörönia, i'ila wa lö nambi si toröi, no oi mangawuli ira ba nomo.

Hatö ya'i-ya'ia. Ba arakhagö aekhu göi luo. Ibörötaigö oroma lumö-lumö sanau tou ba danö. Ba itörö göi oho samaliŵa-liŵa ndru'u, molili irege itugu ata'u ia.

Me itörö tödönia nasu gatua sata'u ita, mondriri ia. Ilau mege-ege. Ikaoni-kaoni ninania me ba zi lö aröu i'ila sageu nasu gatua si so ba zi so eu.

I'anema'ö i'ila wa simate sa'ae ia.

"Hakhösi tödöu ndra'o, asu gatua," iŵa'ö khö nasu gatua ba maniri-niri göi ia, "U'ila wa edöna ö'a ndra'odo. Bahiza fatua lö ö'a ndra'o foli ua zurune ena'ö ulau manari ba u'omusoi'ö dödögu ndrege zi tola ulau."

Fao göi dödö nasu gatua wamoli surune fatua lö manga ia, börö da'ö ifoli zurunenia ba manari-manari nono nambi no mege.

Gasa-gasa da'ö mowaö-waö nasa ndra nambi soya, lö nasa larugi nomo. Ba irugi ira li zurune nasu gatua. Simanö göi ndra nasu sozago nambi, larongo li zurune andrö ba la'ila wa sinunö andrö no sinunö nasu gatua fatua lö manga.

Andrö wa lalau fagohi mangawuli ba nahia wemanga ndru'u.

Me i'ila ira asu gatua, iböhöli wamoli surune ba ilau moloi. I'amalöisi wa ilau ua mamoli surune ba lö i'anema'ö i'a nono nambi andrö.

Manö-manö andre nisura Aesop, samösa niha Yunani sauri töra 500 fakhe fatua lö tumbu Yesu. Ae ba da'a wamaigi manö-manö bö'ö nisurania.

Umbu

The Aesop for Children, gutenberg.org, mufaigi me 7/3/2022.

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö