Wb/nia/Asu, Gadao ba Asu Gatua

Meföna so sageu nasu si fahuwu khö sageu gadao. Omasi sibai ira wamaigi banua bö'ö ba gulidanö. Andrö laröi mbenua si so ya'ira ba la'o'ö lala saekhu ba gatua. Owua-wua dödöra ba wofanöra ba irugi iada'ö lö göi si falukha ira taha-taha ba lala.

Me aekhu luo, la'alui nahia heza tola lalau mörö. Lasöndra sara geu si so tögi tou ba mbörö. Ilau ia bakha ba dögi andrö asu, ba isaŵa ndraha geu gadao. Ba lalau mörö, ahono-hono dödöra.

Me arakhagö moluo maoso gadao. No olifu ia heza so ia. Iwalinga so ia nasa ba mbenua, heza to'ölö ilau fakuru'ua ba wanusugi niha ba urifö. Andrö ifadölö ia, ifakiba ma ifangafo gafinia ba ilau fakukuru'ua. Bahiza no ifaoso nasu gatua, tenga niha sanguri ya'ia.

Me irongo wakuru'ua andrö asu gatua, maoso ia ba ibörötaigö mangele ndrilonia, me i'angeragö wa so gönia ba zihulöwongi. Ihatö'ö ia ba geu si so gadao, ba iŵaö khönia, "U'owai ndra'ugö ba gatua andre, amagu gadao. Omuso sibai dödögu me u'ila ndra'ugö. Faduhu dödögu wa tola fa'awö ita."

Itema linia gadao, "Omuso sibai göi dödögu, amagu asu gatua. Na tola ba hatö'ö ndra'ugö ba mbörö geu andre. Ba da'ö tou so genonigu sanuturu lala khöu hewisa ena'ö irugi zi so ya'o."

Ihatö'ö göi asu gatua, ifasui mbörö geu. Ba zi lö mudöna-döna ira'u ia asu.

Umbu

The Aesop for Children, gutenberg.org, mufaigi me 4/9/2024.

Fabaliŵa lala

Bale zato: Olayama • Angombakhata • Bawagöli zato • Monganga afo • Nahia wamakori • Nga'örö spesial • Ngawalö wanolo • Safuria tebulö • Sanandrösa • Sangai halöŵö