Wb/jv/Tembang/Kroncong Jawa/Kecik-kecik

Kecik-kecik (kroncong)

Tèks

• Kecik-kecik, keciké Manila,
• prayogané tumrap para muda,
• mbésuk dadi wong kang dipercaya,
• sing becik dienggo, dibuwang barang sing ala.
  • Oooing kecik keciké Manila
  • Oooing yèn wis kasèp njur aja gela

• Kecik-kecik, diwadhahi takir,
• sawo kecik saka Kaliasin,
• bengi mikir, mas, ésuk soré mikir,
• kok ya kebangeten dipikir ora rumangsa.
  • Oooing kayuné ukir-ukiran,
  • Oooing wong manis dadi pikiran

• Kecik-kecik, keciké Manila,
• sawo rontog, tibané nèng banyu,
• biyèn ngaku, mas, jaré isih jaka,
• ning bareng ketemu, hara ta anaké wolu.
  • Oooing turu Sala payungé ilang
  • Oooing dadi dhudha aja sumelang.

• Kecik-kecik, dicucuk podhang,
• manuk podhang méncok uwit jagung,
• ésuk ngadhang, mas, awan soré ngadhang,
• bareng wis ketemu, hara ta, ra wani nembung.
  • Oooing ana grumbul dalan luwak
  • Ooing yèn wurung bejané awak.

• Kecik-kecik, mas, kecik sawo gunung,
• tuku srabi ing kutha Semarang,
• urip bujang, mas, kok rasané bingung,
• bareng arep rabi, hara ta, reregan larang.
  • Oooing keciké digondhol wulung,
  • Oooing dhuwit sithik lèh nginger bingung.