User talk:Mogwai

Ai Guude

un Willkumme in de Pälzisch Wikipedia!

Wiisch gsien hon, hosch Du schun än guude Ardiggl óógfange, bravo!!! Un Du hosch aach glai alles rischdisch gemäschd!

Informazione iwwa die Joy Fleming‎ konnschDe uU. uff ihrne Websaid (wann se ää hod, mißd se awwe naormal...) finne ora in de daitsch Wikipedia, dord sin donn aach Quelle óógäwwe. Un dord konnsch donn aach glai die Verwaise uf onnan Schbrooche kopiere ([[de:Joy Fleming‎]]) un unna die Kadegorie sedze. Ach ja, bai de Category:Wp/pfl findsch, wannsdes so oigäbsch, aach die Unnärkadegorie un vor jedere ä + orra x . Des + hääßd, daß dóó nuch mea kimmd, wannde druffklicksch. Dóó is donn unnä Palz nuch Perseenlischkaide un dóódrunnä die Kadegorie Mundardaudore ...

Doßde des Schdubblsche gsedzd hosch, waa SPITZE! Du schainsch jo schun Erfahrung zu hawwe...

Wannde mo äbbes auprobiere willd, do konnsch des dóó due, wannde ä Frooch hosch, schraibschdes mia.

Nuchemol häzlisch Willkumme im Tiem un än

liewe Gruß, --Skipper Michael 21:09, 19 August 2010 (UTC)

Alla Hop Mischl,

dongschää fer denn nedde empfong. isch habb do jetz noche bissl was bai de Joy inde Ardiggl oigfügt. hosch beschdimmd schunn gsehn. Mir werre uns beschdimmd noche paar mohl begegne... :)

Schääne Grüß, Andreas

Des will isch schwea hoffe - nedde Mensche begeschnd mer als werra gärn!

Un soo, wie Du Disch ins Zaisch leehsd, wär isch frooh, wamma mea hädde...! Die Joy konnsch allwail schun aus de Schdubblschä erausnämme - es isn korze Ardiggl, awwee guud un gnuu fär "Ardiggl" genennd zu werre. - Des hääßd nadierlisch ned, doßa schun perfekd is, värbässere därfschde bis uf de Mondaach nóó St. Nimmalain... :-) ...awwe zu de Ehr, än sischa ainschamaße wischdige un aach gude Ardiggl óóglehd zu hawwe, hosch allwail aach die Ehr, daßde die Joy aus de Schdubblchär ghold hosch.

Un mid Monnm iss's ähnlisch: es allawischdichsde is kóz óógerisse, wonn aaches meeaschde nuch fehld. Un long genuu, fär "Ardiggl" zu hääße, isses aach. Alla, isch gradulia Dä!

Wääsch, mid därre Schdubblschär-Vorlaach is des soo ä Sach fär sisch: es gäbd an klääne Beraisch, wuse soi muß unen onnan klääne, wuse ned soi därf - un än riesegroße, wuse nimmi soi muß un nuch soi derf. Isch selbad bin degeje, die Vorlaach uf än "nadierlische Schdub" zu sedze: Iwwas Knaipsche, wusDe Doi Bier drinke duusch, konnschde Bischa schraiwe - iwwas Knaipsche inde Kisch när, doß's korz is fär Gemies zu putze un doß mär aach fer Radiesscha zu schnaide bessa kää long Flaischmessa nämmd - do is noohea die BKL faschd schun länga als wie de Ardiggl. Awwee alles onnan ghead hal in "Messa" - wann aach nuch drinschdehd, dosses konkawe, konwexe und grade Schneide gäbd unä Bildsche mid drai Knaipscha druff, donn is des schun perfäkd - un doch e Schdubblsche. Es is hal so... - un do duhn isch kää "Schdubblsche" sedze. Boi Mannm hod sicha schun mea gschdonne, als wie je bai Knaipscha schdeje kännd, awwee es hod hal soo arsch viel vum Allawichdigschde gfehld, doß die Voalaach jednfalls rischdisch un bereschdigd waa.

Alla, liewe Gruuß nuch - un mach waida soo! --Skipper Michael 13:37, 22 August 2010 (UTC)

Gradulier Där!

Mai liewa Freund, doo hosch jo mol wärklisch guud zuugelongd!!! Gradulier Där! Du hos uf Óógieb mea gschaffd als wie alle onnan zamme – misch ned midgereschnd. Des is äschd än gradiose Oischdiesch!!!

Trodzdäm häd isch ä klää Bitt an Disch: wannste die „Vorschau“ öfda benudze däädsch schdadd schbaischern, wär die Versionsgschichd iwwasischdlischa. Wann Där des nix ausmache duud. Sunsch is nadierlisch Doi Ärwed wischdiger als wie die Versionsgschichd...

Un nuch än klääne Tip: Du hosch bai „kurpälzisch“ viel gelöschd, wosde nuch ned fäddisch khad hosch. Des konnsch aach gradsoguud „auskommendiere“: „<!--“ devoa un „-->“ denóóch, un schun is alles dezwische uusischdbaa.

So orra su – wannste in deea Wais waida schraibsch, wärschde sischa bald ääna vun de Beschde!

Alla, mach waida soo! Liewe Gruuß --Skipper Michael 13:37, 22 August 2010 (UTC)

Mannämm

Hallo, isch hab gsehä, dass du Ardiggäll im Zammehang midd Mannämm barbaidäd bäziihungswais gschriwwe hasch. Da wolld isch fraagä ob ma inn daina Geegändd wiakklisch Mannem/Monnem ausschbrischd odda Mannämm/Monnämm. Wail isch woon unna Mannämm, unn zumindäschd spräsche alle Laid däss Mannämm aus unn nädd Mannem aus. Das Pälzärischä Umschridäsissdääm soll ja laudmaalerisch, so wii manns schwätsdd, unnän allainstehändäss 'E' sprischd mann ja nädd wie "Ä" aus. Isch hoff du va'schdeeschd wass isch meen. Wenn dä nix dageegä hädschd wödd isch des Mannämm in dennä Ardiggäll vabässan --Imbericle 22:55, 7 September 2010 (UTC)

Mannem/Monnem

Här Imbericle, isch glaab diskuschion iss schun so ald wie mannem selwa. Die Alde duhns noch wisse, awwa rischdisch iss eigendlisch "Mannem". Die annre die schbäda dozukumme sin wie die aus de Rhoinau oda die vun de Neggara sache halt Monnem. Die aus de Inneschdadt un vun de Neggaschdadt sachen halt Mannem. S'häst ja ach "Mannemer Dreck" unn "Mannemer Mess". Awwa so isses hald bei uns in de Kurpalz, do duht jeda babble wiea will :) Wenndes ännare willsch, duschs hald mache... Isch hob do nix dagege, awwa isch blaib hald bei Mannem :D --Mogwai 19:10, 8 September 2010 (UTC)

Nääs iss schunn räschdd, dea Skibba Mischa'eel had ma vazeeld, dass es die Ausspraach Manneem aa gibd, mia sulls räschd sai. S Pälzische is schließlisch äxtreem waid gefäschadd. Vun welscha Sschdadd kumsch du dänn?

--Imbericle 22:29, 8 September 2010 (UTC)

Antrag auf meta

Hallo Mogwai,

Die Bemühungen um eine Pfälzische Wikipedia führen doch zum Ziel! Heute hat das Wikimedia Language Committee den Stand weiter Anträge bekannt gegeben. Für die Pfälzische Wp heißt es: „searching for expert to verify content“, dass heißt es wird ein Experte gesucht, der bestätigen kann, dass es sich bei dem Inhalt wirklich um Pfälzisch handelt. Das heißt, dass die Pfälzische Wikipedia kurz vor der Genehmigung steht. Unbedingt dranbleiben! Liebe Grüße, --Holder 12:23, 29 October 2010 (UTC)