Template:Яҙыусы
Гүзәл Ситдиҡова (Ситдиҡова Гүзәл Рамаҙан ҡыҙы) — шағирә, прозаик, публицист, тәржемәсе, Рәсәй Федерацияһының һәм Башҡортостан Республикаһының Яҙыусылар берлеге ағзаһы, йәмәғәт эшмәкәре.
Гүзәл Ситдиҡова 1952 йылдың 10 июнендә БАССР-ҙың Белорет районы, Инйәр ауылында тыуған.Башҡортостандың атҡаҙанған мәҙәниәт хеҙмәткәре. Башҡортостан Республикаһының Почет грамотаһы менән бүләкләнгән. Белорет педагогия училищеһын, Силәбе дәүләт мәҙәниәт иниститутын тамамлай. Хеҙмәт юлын Белорет ҡалаһындағы 1-се интернат-мәктәбендә тәрбиәсе сифатында башлай. “Урал” Белорет районы һәм ҡала гәзитенең мөхәрире булып эшләй. Унда эшләгәндә, 1990 йылда БАССР Юғары Советының 12-се саҡырылыш халыҡ депутаты итеп һайлана, 1995 йылдан профессиональ нигеҙҙә Башҡортостан Республикаһы Дәүләт Йыйылышы-Ҡоролтайының 1-се, 2-се, 3-сө саҡырылыш депутаты вазифаһын башҡара. Башҡортостан Республикаһы Йәмәғәт Палатаһының 1-се саҡырылыш ағзаһы. 2004 йылдан алып 2011 йылға тиклем республиканың Башҡорт ҡатын-ҡыҙҙары йәмғиәтен етәкләй. Әүҙем йәмәғәт эшмәкәре. Ул ун китап авторы.
- 1. Текетек:шиғри әкиәт.- Өфө: Китап, 1994,-16 б.
- 2. Бүрене еңгән бәрәс: шиғри әкиәт.- Өфө: Китап, 1999. - 24 б.
- 3. Башҡорттарҙың ғаилә тормошо - мәҡәлдәрҙә һәм әйтемдәрҙә. - Өфө: "Виртуал", 2002. - 79 б.
- 4. Үҙ Ҡояшым, үҙ Айым: шиғри әкиәт, мәҡәлдәр донъяһы, яҙмышнамә. - Өфө: Китап, 2002.-240 б.
- 5. Йәннәт баҡсаһы. - Өфө: Полиграфдизайн, 2005. - 102 б.
- 6. Йәш ғаиләгә нәсихәттәр. - Өфө: Полиграфдизайн, 2006. - 11 б.
- 7. Күсле ил - көслө ил: күңел сәхифәләре, шиғырҙар. - Өфө: Китап, 2007. - 448 б.
- 8. Ҡыштарҙың да бар бит үҙ ҡоштары: шиғырҙар. - Өфө: РУНМЦ МОРБ, 2010. - 136 б.
- 9. Машина ниңә "дүрт-дүрт", ти: шиғырҙар, әкиәттәр, хикәйәләр. - Өфө: Китап, 2010. - 112 б.
- 10 Күсле ил -көслө ил. - Өфө, Инеш, 2013. - 103 б.
- 10. Июль ҡайтҡан; Далаларҙа: (шиғырҙар)// Йәш көстәр:шиғырҙар, хикәйәләр. - Өфө, 1984. - Б. 97-98.
- 11. Шиғырҙар// Ете шишмә: шиғырҙар. - Өфө, 1988. - Б. 31-52
- 12. Муйылдар (хикәйәләр)//Мөхәббәткә хөкөм юҡ: повестар, хикәйәләр, юморескалар һәм пьесалар. - Өфө, 1997. - Б. 211-250
- 13. Ай һәм Ҡояш: (шиғырҙар)// Башҡорт шиғриәте антологияһы. - Өфө, 2001. - Б. 735-736
- 14. Туған тел: (шиғыр)// Халҡым теле - хаҡлыҡ теле. - Өфө, 2005. - Б. 117
- 15. Кем мин?: (шиғырҙар)// Из века в век. Башкирская поэзия. - М., 2008. - С. 498-505
- 16. Соловьиная ива: (стихи)// Антология поэзии Башкортостана. Голоса веков. - Уфа, 2007. - С. 389-390
- 17. Кто я?: (стихи)// Из века в век. Башкирская поэзия. - М., - С.498-505.
