Jump to content

User:Aue Nai

From Wikimedia Incubator
Babel user information
mnw-N ညးလွပ်ဏအ် နွံဗဟုသုတ ပ္ဍဲဘာသာမန် ကဆံင် အရေဝ်ဇာတိ
my-5 ဤအသုံးပြုသူသည် မြန်မာဘာသာ အတွက် ပညာရှင်အဆင့် ဗဟုသုတ ရှိသည်။
en-2 This user has intermediate knowledge of English.
Users by language

"လညာတ်မွဲပိုဒ်"

အရာကပေါတ်ကြိယာ မချဳတသိုက်အာတအ် ဟိုတ်ဒုၚ်သဇိုၚ် လ္တူခဏမတ္တစိတ္တဇ ဗတိုက်ဖအောဝ်တုဲ က္တဵုဒှ်ကၠုၚ်မံၚ်ရ။ စိတ္တဇစိုတ်မနုဿတအ်ဂှ် ဒှ်အရာညးမဒဳပတဝ်ဏာမံၚ် အရာကပေါတ်ကြိယာ ပချဳဏာမံၚ်လညာတ်နတဲတအ်ရ။

အခိၚ်ကာလ တ္ၚဲစိတ္တဇ အာရီုဇဴမၞိဟ်တအ် ဒေါံအာဗက်ဂှ် ကြိယာဝတ္တု ကွဳစက် က္ၜၚ်ကလာၚ် စက် ရုၚ်ကမၠောန်နာနာတအ် တန်ဒေံါအာဓဝဲါဂှ်ဟေၚ်ရ။ အရာခဏစိုတ်မချဳဂှ် ဒှ်အရာကပေါတ်ကြိယာမချဳရ။ ရံၚ်ကဵု နိယာမ(Theory) ဏအ်တုဲ ပတိတ်ဂလာန်သွဟ်မ္ဂး အာရီုမနုဿဂှ် ဒှ်ဇဳဝလမျိုရ။

အာရီုမွဲမွဲဂှ် ပၠောပ်ဇဳဝကဵု လမျီုမွဲမွဲတုဲ အာရီုညး လမျီုညး ဒှ်တန်တဴကၠုၚ် ပ္ဍဲသၚ်္ခါရလိုက်ရ။ ဟိုတ်- ဖိုလ် ဆက်ဏအ်တုဲ အာရီုဂှ် ဒှ်တၠဘဝမ္ဂး ညးသၚ်္ခါရမွဲရ။ အာရီုညာတ်မွဲဒေံါအာမ္ဂး လမျီုညာတ်မွဲ ယအ်နုက်တိတ်အာ နူပးဒၞက်သံသာလိုက်ရ။ ဗွဲမကၠး ဒးဟီုတှေ် အာရီုမ္ဂး ညာတ်ဂှ် တိတ်ဗၠးအာနူ သဘဴ "ဒှ်" တုဲ ဟွံဒးကလေၚ် "ဒှ်" ဟွံဒးကလေၚ် "လီု"ရ။ ကၠေံလေၚ်အာနူသံသာရ။ ဗွဲလအိတ် အာရီုမဒှ်သဘဴ ဟိုတ်တအ်ဂှ်တအ်ဂှ် ဒေံါအိုတ်မ္ဂး လမျီုမဒှ် သဘဴ "ဖိုလ်" တအ်ဂှ်တအ်ဂှ် ဒေံါအိုတ်ဟေၚ်ရ။ ဗွဲမဒှ်မာန် လၟေၚ်မသောၚ်ထ္ၜးကၠုၚ်လ္တူလၟုဟ်တုဲ "အာရီုမနုဿ"ဂှ် ဒှ်ဇဳဝလမျီုကြိယာ "ဂလာန်သွဟ်ဒဳဂရဳ"ဝွံ ယုတ္တိပေၚ်တဴရ။

လမျီုမ္ဂး ညာတ်၊ မိၚ်၊ သၟူ၊ ရှ်၊ ထၟတ်ဒွံတအ်ဂှ် နဲအာရီုမွဲမွဲလွဳၜံၚ် ပၠောပ်ကဵုဝိညာဏ်တုဲ က္တဵုဒှ်ကၠုၚ်ကီုလေတ် လမျီုမ္ဂးတီဂှ် အာရီုလဵုမွဲ လွဳၜံၚ်ပၠောပ်လဝ်ကဵုလမျီုရော ? သၟာန်မ္ဂး အရာဟွံမွဲတုဲ နွံမံၚ်ဂှ် ပိုယ်ညးဗှ်လိက်တအ် ဒးတီကေတ် နကဵုပွဟွံတီပိုယ်ရ။ တီမံၚ်နကဵု ပွဟွံတီဂှ် တီနကဵုစိုတ် ဟွံတီနကဵုသတိရ။ စိုတ်ဟီုဂှ်လေဝ် ဒှ်"အရာ ဟွံမွဲတုဲ နွံမံၚ်"ရ။

ပ္တောံဒှ်ဇေတ်လေတ် ဟီုစဂွံရ၊ ဒးဂၠာဲသွဟ်မ္ဂး တ္ၚဲဏအ် ဒးတီကေတ် နကဵု ပွတီထေက်ရ။ မွဲလ္ပာ်ပၠန်ဂှ်လေဝ် ပွဟွံတီတအ်ဂှ် ဒးတီကေတ် နကဵုပွဟွံတီပိုယ် ဗွဲသာမညမ္ဂး အာရီုအရာဟွံမွဲဂှ် ဒးတီကေတ်နကဵုသတိ အရာဟွံမွဲကဵုထ္ၜောံကလၚ်ကီုရ။ အရာ" အာရီု၊သတိ" ၜါဏအ်ဂှ် ဒှ်မံၚ်အရာဟွံမွဲဇေတ်တ်တုဲ နွံမာန်မံၚ် ဗွဲသဘဴဗီုပြၚ်မွဲကီုရ။

အာရီုမသုန် ပၠောပ်လဝ်လမျီုမသုန်တအ်တုဲ လောကတ္ၚဲဏအ် လညာတ်ပွမရှေ်သှ်ေ သမ္တီဂမြၚ်ဒဿန ဓရ်ပတှေ် နာနာပကာရတအ် နကဵုဇကု ဂွံတိတ်မံၚ်တန်ကၠုၚ်ပ္ဍဲလိက်ဏအ်ရ။ အာရီုမသုန် လမျီုမသုန်တအ်ဏအ်ဒှ်တုဲ အာရီုမရနုက်ကဵုတြဴ၊ လမျီုမရနုက်ကဵုတြဴမွဲ ဒှ်ကၠုၚ်ဂှ်ဟေၚ် ကော်စအာရီုဆဋ္ဌမဟာ သၟာန်မ္ဂး ဒးသွဟ်ဟွံသေၚ်ရ။ ဗွဲမစှ်ေစး အာရီုဆဋ္ဌမဏအ်ဂှ် အာရီုသီုတြဴဟာ ထပ်သၟာန်မ္ဂး ဟေၚ်မံၚ်ရလေဝ် သွဟ်ကဵုဟွံဂွံရ။ ထပ်တုဲပါ်ပဲါဂၠာဲမ္ဂး အာရီုသီုမသုန်တအ် ပံၚ်ကဵုအာရီုမရနုက်ကဵုတြဴတုဲ အာရီုတၟိမွဲမတွံဂး အာရီုတၞဟ်မွဲပၠန်ဟာ သၟာန်မ္ဂး ဗီုဏအ်လေဝ် သွဟ်ပတိတ်သောၚ်သောၚ်ဟွံဂွံရ။

အာရီုမ္ဂး ဒှ်ကၠုၚ်ပ္ဍဲညးဗှ်လိက် ပွမသၟာန် ပွမဂၠိုက်ဂၠာဲ ပွစၟဳစၟတ်မံၚ် လ္တူအာရီုမသုန် ကေုာံ အာရီုတၞဟ်မွဲ (ဟွံသေၚ်) အာရီုမရနုက်ကဵုတြဴဟေၚ် ဒှ်အာရီုဆဋ္ဌမ ရ။




တၠဂုဏ်အာလောက[edit | edit source]

ဘာရုၚ်ဒါန်[edit | edit source]

ဘာရုၚ်ဒါန်-ဍုၚ်လၟိုၚ်

ဍုၚ်လၟိုၚ်[edit | edit source]

ခေတ္တ တက္ကသိုလ် မဟိဍိုန်[edit | edit source]

ဂလာန်မြော်ဂမၠိုၚ်[edit | edit source]

သွက်တ္ၚဲကောန်ဂကူမန် မရနုက်ကဵု(၇၁)ဝါ၊ဘာသဳရိမၚ်္ဂလ (မဟာဇျာဲ)