Template:Wp/brh/Bunták/Anná tú aŧí-September/1

Iraŧamíko Jihání Jang aná biná

Satumbar 1939 aná avalíko táríx á Jarmaní ná laşkar Polaenđ á julav kare. Oftá xiál as ki Bartáníá o Fráns jang akin tayár mafaror o ítgap aŧ jheŕa e kuŧŧifing ná tená ráhband á salor. Vale Bartáníá o Fráns ná vazír ázum ák, Neville Chamberlain o Edouard Daladier, Aeđolf Hiŧlar e dhamkí tissur ki Polaenđ án tená faoj e kaşşi, arásiŧ e Hiŧlar mannitav. Satumbar ná 3 táríx á aŕtomá ráj ák Jarmaní ná xiláf jang aná paŕav e xalkur.

Şaş sál án rand, 2 Satumbar 1945 á, Jápán ná amaldár ák beşart jang e bá tining ná sanad á dazrand karer. Dáŕán jihán ná táríx aŧí ģuŧŧ án purxún á jang esar mass. Dá jang aŧí asi andáza seaŧ 700 lakk án geş xalkat berán mass, aráfteŧí geştir maxlúk faojí allavesur.

Satumbar ná sálroc ák:

• Brázíl aŧí Ájoí ná De - Satumbar 7
• Amríka ŧí Hubb-e-Vatan ná De, Satumbar 2001 aŧí maroká daeşatgard átá julav ná yát aŧ - Satumbar 11
• Maeksíko ŧí Ájoí ná De - Satumbar 16
• Cillí ŧí Ájoí ná De - Satumbar 18
• Soelí Afríka ŧí Mírát ná De - Satumbar 24