Talk:Wp/kiu/Moradan
Moradan (ebe Tırki: Dilektaşı) zu dewa Dara Hêniya u giredaê Çewligio. Çewlig de caê Moradan u herêmê rê vanê "Ziktê". Sarê dewe Kırmanco u Kırmancki qesey keno. Namê Moradani, Çhemê Muradi ra yeno. Murado ke dewe vıraşta u awan kerda, namê ey ra yena. Muradi ra ver namê nê cay "Tus" biyo. Badê 1961ine de heme namey çarnay ra Tırki. Namê dewa Moradani ki biyo Dilektaşı.
Rozakotena Moradani de dewi zê Şernan u Sêfani, zıme de dewa Şemsani, rozawan de dewê Cansur u Vazenani, veroz de dewa Rêzi estê.
Riyê hardi u nıfus[edit source]
Dewa Moradani de eraziyo ke mianê dew u teberê dewe dero, dere u derxoleo. Rastê hira u goli çinê. Mianê erazi de 300 u 400 m su u baniy estê. Çotla u Qılê Şemo dewe ra 1200 u 1300 m berzê. Eraziyê Moradanê nezdiyê 450 km²o. Nıfusê dewa Moradani demê Usmanu u demê Cumurêtê Tırkiya de tım u tım biyo zêde.