Wp/srr/Xeet no Seereer

Seereer we, xeet oo faa refna kam Senegaal, a ref Gambi fa Ganaar (na Mudan Afrik). Na lim den kam Senegaal, Seereer we defu xaaj daɗkandeer ale no qeet axe ndefna meen. Gon Seereer koy, ke ta mayaa a pindooɗ a pogreer fop, nen Sereer, Seereer mbaa Sérére, xeet fa leng fee soom oo. Na Seereer a Sin-gandum, koy a bindooɗ a cofu le refu: Seereer (mbaa Sereer). Na Angale Gambi, o xe binteel Serer. Na farañse Senegaal fa Ganaar, o xe bindteel Sérére. Na karte ke duɓaaɓ we a mbiis’ina eetaand, o xe bindteel Cérère (ta inoor na farañse) fa Barbacins a hat na Barbaçim (gon Maad a Sinig na Purtugees, a inoor na Paafaal), biibind purtugees we koy a layooga itam Serreos fa Sereri. A jega koy ƥaaƥaal waa layna ee Serros we fa Babacins we a ndefa qeet kaa mbogeerna dara. Kuu bugeena and na ƥaal a peraand ake duɓaaɓ we mbi’na no xeet Seereer, na maat den, fa a ñaaƈin den na jamaane nduɓaab naa (na Sinig fa a Mbeey), a waaga ɗeettel no ƭeetir keene.

No hiid 2011, lim le no Seereer we a mat’a milyoŋ 2, o sutangaa teen we ngenna tafil-saax. Yaal xa and xa maak xa nandu nena Piyeer Ngom, Aliu Gay fa Ibraayma Saar (Ethnic Diversity and Assimilation in Senegal: Evidence from the 1988 Census' [1]'), a lalta ee ke naa wañaa ɗelem a Seereer refu ke Seereer mayu a mbaasna cosaan den, a layataa a Paafaal.

Xeet no Seereer[edit | edit source]

Xeet no Seereer a jega Seex (den ngupu no Seereer we), a jeg Saafi, Ndut, Waro, Noon (mbaa Non), Laalaa (mbaa Lal), Jegeem fo Ñoominka. A jelangaa Seex we, fo Jegeem we, fo Ñoominka we naa layaa a Seereer, lakas we fop a Seereer Cangin a layaa Saaf-Saafi , Ndut, Sili-Sili, Noon fa Laalaa.

Cosaan no Seereer[edit | edit source]

Na cosaanum, o Seereer kaa xooxoogu, a faalaa, a sexaa suk, a gayaa, a njegaa lanG (ta hat’u no lamaan kaa). Ndiikii koy, Seereer we ndokayo no qeet calel maak ke fop, nen a kate, polotik, a cang, xa and fa cikax.

Ke jangtuuna na siyeekal 11andeer yaa fo almorawid waa, boo na siyeekal 19andeer no Siriiñ waa mbafit’ina Senegambi, Seereer we kaa mbañ’u Lislaam, a ndam no ngim den fa cosaan den. Ndaa xaye, a jega Seereer mayu waa ndefna culiit fo kerceen a ngen Tafil-saax. A jega iitam waa maadna no pangool kaa (A ƭat Roog).

Ta inoor na[edit | edit source]

Westermann, Diedrich; Smith, Edwin William; Forde, Cyril Daryll; International African Institute; International Institute of African Languages and Cultures; Project Muse; JSTOR (Organization); Africa: journal of the International African Institute, Volume , pp 86-96, 270-1, Edinburgh University Press for the International African Institute, 1993
CIA Factsheet Senegal
Ethnologue.com [2]
Ngom, Pierre; Gaye, Aliou Gaye; Sarr Ibrahima, Ethnic Diversity and Assimilation in Senegal: Evidence from the 1988 Census. [3]
Mwakikagile, Godfrey, Ethnic Diversity and Integration in the Gambia: The Land, the People and the Culture, (2010), p. 224, ISBN 9987-9322-2-3
Mwakikagile, Godfrey, The Gambia and Its People: Ethnic Identities and Cultural Integration in Africa, (2010), p. 138, ISBN 9987-16-023-9
Klein, Martin A., Islam and Imperialism in Senegal Sine-Saloum, 1847-1914, Edinburgh University Press (1968), pp 7, 63, ISBN 0-85224-029-5
Gravrand, Henry La civilisation Sereer, Pangool, Nouvelles Editions africaines du Sénégal (1990), p. 13, ISBN 2-7236-1055-1
Thiaw, Issa Laye, La religiosité des Seereer, avant et pendant leur islamisation, [in] Éthiopiques, n°54, volume 7, 2e semestre 1991 [4]
Ndiaye, Ousmane Sémou, Diversité et unicité Sérères: L'exemple de la Région de Thiès", Ethiopiques, n°54, revue semestrielle de culture négro-africaine, Nouvelle série volume 7, 2e semestre 1991 [5]