Wp/rki/လက်ယာစိတော်စေတီ
တည်နီရာ[edit | edit source]
မြောက်ဦးနန်းတော်ကုန်းဧ့ အရှေ့မြောက်ဘက်ခပ်ယွန်းယွန်းနှစ်မိုင်ခန့်အကွာတွင် တည်ဟိပါရေ။ ကိုးသောင်း ပုထိုးတော်မြောက်ဘက်၊ ဦးတော်ဆေးကန်ဧ့ အနောက်ဘက်တွင် ကျရောက်ပါရေ။ ==ကုသိုလ်သျှင်== ဘုရင်ကောလိယရေ ကောဇာသက္ကရာဇ် ( ၄၈၅ ) ခု၊အေဒီ (၁၁၂၃) ခုနှစ်တွင် တည်ဆောက်လှူဒါန်းခ ပါရေ။
သမိုင်းအကျဉ်း[edit | edit source]
လက်ယာစိတော်စေတီကို ဓညဝတီပြည့်သျှင် သူရိယစက္ကမင်းကြီးစတင်လှူဒါန်းခရေ စေတီတော် တစ်ဆူဖြစ်ပြီးမြက်စွာဘုရားဗျာဒိတ်ဝင် ရခိုင်ပြည်အနှံ့ ဓါတ်တော် (၂၈၄) ဆူအနက် တစ်ဆူအပါအဝင်ဖြစ်ပါရေ။ ပုရိန်ခေတ် ကောလိယဘုရင်က ဒုတိယအကြိမ်ထပ်မံတည်ဆောက်ခပြီး တတိယအကြိမ်အဖြစ် မြောက်ဦးခေတ်ဘုရင် မင်းဖလောင်းက တည်ဆောက်လှူဒါန်းခပါရေ။ မြတ်စွာဘုရားဧ့ လက်ယာစိတော်ဓါတ် (ဝှေးစေ့တော်ဓါတ်) ကို ဌာပနာပနာ တည်ဆောက်လှူဒါန်းထားခရေကြောင့် လက်ယာပီစီတော်စေတီဟု ခေါ်တွင်ခြင်းဖြစ်ပါရေ။
ဗိသုကာလက်ရာ[edit | edit source]
လက်ယာစိတော်စေတီတော်မှာ ပေ(၁၀၀)ခန့်မြင့်ရေ တောင်ကုန်းပေါ်တွင် ကျောက်ဖြင့် တည်ဆောက်ထားပါ ရေ။ စေတီတော်မှာ လေးမျက်နှာဖြစ်ပြီး အရှေ့ဘက်တစ်မျက်နှာ၌သာ မုခ်ဦးဖွင့်ထားပါရေ။ အလယ်လိုဏ်ဂူတော်၌ ကျောက်ပလ္လင်ဖြင့် ကျောက်ဆင်းတုတော်ကြီးတစ်ဆူ ပူဇော်ထားပါရေ။ လက်ဟိအခြေအနီတွင် ဘုရားဆင်းတုတော်ဧ့ တစ်ချို့အစိတ်အပိုင်းတိ ပျက်စီးနီပါရေ။ လက်ဟိဖူးတွေ့ရရေ ဆင်းတုတော်မှာ မြောက်ဦးခေတ်ဆင်းတုတော် တစ်ဆူသာဖူးတွေ့ရ ပါရေ။ ဆင်းတုတော်ဧ့ လက်ရာမှာ အလွန်လက်ရာမြောက်လှပါဧ့။ စေတီတော်အောက်ခြေမှာ အဝိုင်းဖြစ်ပြီး အချင်း (၃၂) ပေခန့်ဟိပါရေ။ စေတီတော်အမြင့်လည်း (၃၂) ပေခန့်ဟိပါဧ့။
ကိုးကား[edit | edit source]
မြောက်ဦးဒေသ ရှေးဟောင်းအဆောက်အဦးများ (ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ယဉ်ကျေးမူဝန်ကြီးဌာန) -၂၀၁၅
