Wp/qug/Runakunapak hayñikuna
Runakunapak hayñikuna nin imata tukuy runakunaka ruranata ushanami charinapashmi kan : warmipash karipash wawapash kashpaka, maykanpash kara tullpu charishpapash, maykanpash iñiyta charishpapash, maykanpash shimita rimashpapash, maykanpash mamallaktamanta kashpapash[1]. Chay hayñikunaka runakunapak hayñita willaypi rimashkami kan, chay willayta 1948 watapi ONUpi tantanakushka mamallaktakunaka rimarka.
Shinapash, ñawpak pachapi, ñami hatun hayñikunata rimashpa willaykunami tiyarka :
- Habeas Corpus nishka, Inklant mamallaktapi rimashka, 1679 watapi. Chay willayka nin, runakunaka mana yankamanta wichkashkami kanchu. Kunan pachapi, Inklant mamallaktaka (mana tukuy Shukllachishka kapak suyuka), Shukllachishka America Suyukunakapash chay willayta charinmi.
- Runapak ciudadanopakpash hayñita willay, 1789 watapi killkashka, Francia mamallaktapak tantanakuypi. Kunan pachapi, chay willayka Francia mamallaktapak mamakamachiypi, ñawpak rimaypi (preámbulopi) tiyanmi.
Ashtawan yachakunkapak[edit | edit source]
Kaypipash rikupay[edit | edit source]
- Hayñikuna
- runakunapak hayñita willayta (Runa shimipi)
Maymanta surkushka[edit | edit source]
- ↑ Human Rights Basics, Amnesty International