Wy/yue/開普敦

由Bloubergstrand望返去開普敦同桌山。

開普敦係南非第二大城市同立法首都（國會所在地）、西開普省省會。位於南非嘅西南角，好望角附近，佢差唔多係非洲最南嘅城市。世界知名嘅葡萄酒產區Cape Winelands喺開普敦附近，呢個地區包含帕爾、斯泰倫博斯同弗朗斯胡克呢三座城鎮。

了解

開普敦喺南非有「母親城市」嘅別名，亦都係世界著名嘅旅遊城市。

地理

喺高空鳥瞰開普敦︰呢張相入面，大部分都係大開普敦都會區嘅一部分，除咗之外，你仲可以見到東北邊嘅帕爾、斯泰倫博斯同弗朗斯胡克，同埋東南邊嘅若易-埃爾斯同普林格爾灣。

開普敦大都市區好大，從東邊嘅Durbanville同Somerset West，一直延展到南邊嘅Cape Point同北邊嘅Atlantis。市中心就喺桌山同桌灣一個比較細嘅地區。

氣候

• 12月到2月係夏天，日抖都幾熱，但係濕度低，所以都唔算好令人難受。喺中午最熱嘅時候，最好留喺啲陰涼嘅地方，同埋做足防曬。如果你想去海灘玩，要留意假期嘅時候會有好多本地人去玩，可能會有啲難搵位。不過，夏天嘅開普敦活動豐富，所以依然係旅遊嘅大好時間。

• 6月到8月係冬天，會比較潮濕。雖然未至於日日落雨，但有時會連續落兩星期雨。夜晚都幾凍，可以低見2－3℃，但一般都有下5-7℃。日抖會熱返啲，通常有9-15℃。不過，好多時都天陰，冇乜太陽。

• 最好嘅旅遊時間
  • 十月和十一月：過咗冬天，隨住春天嘅到嚟而愈嚟愈暖，又冇盛夏咁熱。呢段日子會比較大風，由東南邊吹過嚟嘅風會吹走咗啲污染物，所以啲人都叫佢做「開普醫生」。
  • 十二月至二月：日照時間長，是夏天嘅好時節。太陽好晏先落山（12月嘅時候直到八點半都仲見到日抖），所以有好多嘢可以做。如果鍾意陽光同和暖嘅天氣，可以揀喺呢段日子過嚟。
  • 三月到五月︰算係秋天，會多啲雨同比較涼爽。呢段日子遊客比較少，所以你得到嘅服務可能會更加價廉物美。