Wy/yue/豐盛港

豐盛港喺馬來半島東岸嘅城鎮，離柔佛州首府新山有136公里遠，喺佢嘅東北面。好多人係為咗去附近嘅刁曼島，先至喺呢度留幾個鐘頭，但其實呢個鎮一帶都有啲自然風光同傳統文化值得欣賞。

了解

豐盛港人口七萬（2010年），有一種喺全馬來西亞都消失緊嘅小鎮風情。呢個鎮由兩條幹道貫穿，路邊滿佈傳統同現代商店，包括生果舖、雜貨店同超級市場，食方面就本地餐廳同連鎖快餐都兼備。小鎮附近有啲森林保護區同未受污染嘅沙灘，向北揸十五到三十分鐘車可以搵到一條傳統馬來村莊。