Wy/yue/約翰内斯堡

約翰内斯堡係南非最大城市。

分區

約翰内斯堡分咗個八個行政區。

了解

約翰内斯堡差唔多有100萬人口，而都會區更加有成440萬人，當中有一半都住咗喺索維托同佢附近嘅市郊。唔似得其他南非城市，約翰内斯堡冇畀任何一個語言群體主導住，但係英文係通用語。

呢個城市係南非嘅經濟中心，而且對於成個非洲嚟講，佢嘅地位亦都愈嚟愈重要。雖然統計各有出入，但係撒哈拉以南非洲嘅本地生產總值大概有10%都係嚟自約翰内斯堡。不過，因為收入分配唔平均，所以市內居民嘅居住環境可以差天共地︰有地方比得上發達國家，亦都有地方只有第三世界嘅環境。嚴重嘅貧富懸殊令到約翰内斯堡成為咗世上罪案率最高嘅城市之一，所以有錢人嘅屋企多數有好高水準嘅治安。唔好因為驚咗罪案而怕咗約翰内斯堡喎，因為只要保持警覺，住喺度都可以好安全同舒服。事實上，有好多南非人揀喺呢度住，係因為呢度比起南非嘅其他地方嚟講，已經算係比較安全。

約翰内斯堡有好多獨特之處，例如有種特別嘅街頭買賣文化。如果你揸電單車嘅話，可能會有小販喺你等緊燈位嘅時候向你兜售各式商品，包括嘢食、雨遮、足球之類。喺路邊，你仲可以搵到啲簡單嘅飛髮舖，擺張凳喺度就開門做生意。

約翰内斯堡係世上最多樹嘅城市之一，有成600萬棵樹，叫佢做「人工城市森林」都唔過份。而且，佢嘅氣候都算唔錯。夏天（十二月至二月）有三十幾度，冇乜風，但晏晝有時會有雷雨。到咗冬天，氣溫可以跌到單位數，但好少會落雪。