Wy/ta/மதுரை
மதுரை என்பது தமிழ்நாட்டின் மூன்றாவது பெரிய நகரமாகும். வைகை நதியின் கரையோரத்தில் அமைந்துள்ள இந்த நகரம் இரண்டாயிரம் ஆண்டுகளுக்கு மேலாக பெரிய நகரமாகத் திகழ்கின்றது. பாண்டிய மன்னர்களாலும், நாயக்க மன்னர்களாலும் கட்டப்பட்ட கோவில்களுக்கு இந்நகரம் பெயர் பெற்றது. "கூடல் நகரம்", "மல்லிகை மாநகரம்", "கோவில் நகரம்", "தூங்கா நகரம்" என்றும் இந்நகரம் அழைக்கப்படுகிறது .
எப்படிச் செல்வது
விமானம் வழியாக
மதுரை மாநகரில் ஒரு சர்வதேச விமான நிலையம் அமைந்துள்ளது. சென்னை, மும்பை, ஹைதராபாத், டெல்லி, பெங்களூரு, கொழும்பு, துபாய், மற்றும் சிங்கப்பூர் ஆகிய நகரங்களுக்கு இங்கிருந்து விமான சேவை உள்ளது. இவ்விமான நிலையம், நகரின் மையப்பகுதியில் இருந்து 15 கி.மீ. தொலைவில் அமைந்துள்ளது.
தொடருந்து வழியாக
மதுரை நகரின் மத்தியில் "மதுரை சந்திப்பு தொடருந்து நிலையம்" அமைந்துள்ளது. நாட்டின் அனேக பகுதிகளுக்கும் இங்கிருந்து தொடர்வண்டி சேவை உள்ளது.
சாலை வழியாக
- தே. நெ. 44 (ஸ்ரீநகர் - டெல்லி - பெங்களூரு - மதுரை - கன்னியாகுமரி),
- தே. நெ. 38 (வேலூர் - திருச்சி - மதுரை - தூத்துக்குடி),
- தே. நெ. 85 (தேனி - மதுரை - ராமேஸ்வரம்)
ஆகிய தேசிய நெடுஞ்சாலைகள் மதுரை மாநகரை மாநிலத்தின் பிற பகுதிகளுடன் இணைக்கின்றன.
பேருந்து வழியாக
தமிழ்நாடு அரசு போக்குவரத்து கழகம், மதுரை மாநகரில் உள்ளூர் பேருந்துகளை இயக்கி வருகிறது. மேலும் வெளியூர்களுக்கு, புறநகர மற்றும் தொலைதூர சொகுசு பேருந்துகளையும் இயக்கி வருகிறது. தனியார் ஆம்னி பேருந்துகளும் மதுரைக்கும் பிறநகரங்களுக்கும் இடையே இயங்குகின்றன.
மதுரை மாநகரில் 3 பேருந்து நிலையங்கள் உள்ளன. அவை:
- எம்.ஜி.ஆர் பேருந்து நிலையம் (மாட்டுத்தாவணி பேருந்து நிலையம்): இங்கிருந்து தென் மாவட்டங்கள், சென்னை, திருச்சி, தஞ்சாவூர், விழுப்புரம், நாகப்பட்டினம், ராமேஸ்வரம், காரைக்குடி மற்றும் பிற மாநிலங்களில் உள்ள முக்கிய நகரங்களுக்கு பேருந்து சேவை இயக்கப்படுகிறது.
- ஆரப்பாளையம் பேருந்து நிலையம்: இங்கிருந்து தேனி, கம்பம், திண்டுக்கல், சேலம், ஒட்டன்சத்திரம், பழனி, கோயம்புத்தூர் ஆகிய பகுதிகளுக்கு பேருந்துகள் இயக்கப்படுகின்றன .
- பெரியார் பேருந்து நிலையம்: உள்ளூர் பேருந்துகளின் முனையமாக இப்பேருந்து நிலையம் செயல்படுகிறது.
பார்க்க
கோயில்கள்
- திருப்பரங்குன்றம் சுப்பிரமணிய சுவாமி கோயில்
- பழமுதிர் சோலை முருகன் கோயில்
மற்ற இடங்கள்
- திருமலை நாயக்கர் மஹால்
- காந்தி அருங்காட்சியகம்
அருகில் உள்ள இடங்கள்
- பழனி