Wy/su/Parahyangan Wétan

Parahyangan Wétan nyaéta daerah pagunungan di tenggara Jawa Kulon, Indonésia.

Kota

Peta Parahyangan Timur.

• 1 Banjar — kota anu wawatesan jeung Jawa Tengah, dikurilingan ku sababaraha situ.
• 2 Ciamis — kota bersejarah anu baheulana mangrupikeun pusat Karajaan Galuh.
• 3 Kuningan — titik wétan pikeun ka gunung seuneuan Ciremai.
• 4 Majalengka — dikurilingan ku pagunungan sareng air terjun, jeung ogé titik asup ti arah kulon ka gunung berapi Ciremai.
• 5 Pangandaran — kota résor pantéy kalawan pasar lauk nu ramé.
• 6 Tasikmalaya — disebut ogé 'Tasik' hungkul; pusat regional, kota panggedéna di wewengkon ieu.

Déstinasi séjén

• 1 Batu Karas — désa pantéy nu tenang tur populer di antara para pasalancar.
• 2 Linggarjati — désa leutik tempat "Perjangjian Linggarjati" taun 1946 nu diayakeun salama Perang Kamerdékaan Indonésia.
• 3 Taman Nasional Gunung Ciremai — taman nasional di sakitaran gunung pangjangkungna di Jawa Kulon.

Dahar

Perdagangan lauk di pantéy Pangandaran.

Dahareun Sunda aya di mana-mana jeung tiasa mendakan mulai tina hotel-hotel gedé dugi ka warung dahar di sisi jalan. Kadaharan di wewengkon ieu dicirikeun ku sayuran seger (biasana atah), sambel tarasi, jeung goreng tahu jeung témpé. Di réstoran tradisional Sunda, palanggan biasana diuk dina tikar awi di lantai jeung dahar kalawan leungeun maranéhna. Samangkok leutik cai bakal disadiakeun pikeun ngaberesihan leungeun sateuacan sareng saatos tuang.

Sababaraha jinis kadaharan khas Parahyangan Wétan diantarana nasi tutug oncom (sangu dicampur ampas kedelé ferméntasi) di Tasikmalaya jeung jajanan galéndo (dijieun tina santan) di Ciamis. Tangtu, lauk seger jeung kadaharan ti laut bisa kapanggih di sapanjang basisir Samudra Hindia, jeung pasar lauk panggedéna aya di Pangandaran.

Nginum

Sapanjang pantéy Pangandaran sareng Batu Karas, anjeun tiasa mendakan inuman anu ngandung alkohol. Di daérah sanés, kafé anu ngajual inuman alkohol rada jarang, tapi sahenteuna anjeun tiasa meuli bir Bintang di hotél sareng résor.

Tujuan salajengna

• Parahyangan — seueur gunung seuneu, sareng Kota Bandung ('Paris-na Jawa').
• Pantéy Kalér Jawa Kulon — pantéy-pantéy di basisir Laut Jawa, sareng 'kota udang' Cirebon.
• Banyumas — wewengkon di Jawa Tengah di suku Gunung Slamet.

Panduan wisata ieu meureun henteu nampilkeun sadaya kaca gembleng, kusabab panduan ieu mangrupikeun taratas. Anjeun tiasa pitulung Wikiwisata ku cara ngalengkepan panduan ieu dugikeun ka sampurna