Wy/skr/محلہ نواباں بہاولپور
محلہ نواباں بہاولپور جون ١٨١٨ وچ رنجیت سنگھ دے ہتھوں ملتان تے قبضے توں بعد والی ملتان نواب مظفر خان دی اولاد تے خاندان کوں ختم کرݨ وچ کوئی کسر باقی نہ رکھی ڳئی تے زیادہ تر شاہی خاندان دے افراد شہید کر ݙتے ڳئے. جیہڑے لوگ بچ ڳئے انہاں نے ریاست بہاولپور وچ پناہ گھدی. نواب آف بہاولپور دے حکم نال انہاں کوں بہاولپور شہر وچ وسایا ڳیا تے اتھاں رہݨ تے گھربݨاوݨ واسطے زمیناں الاٹ کیتیاں ڳئیاں. شہر وچ نواب مظفر شہید دے خاندان دے افراد جتھاں رہائش پزیر تھئے ہن او جگہ سرکاری طور تے "محلہ نواباں" دے ناں نال ڄاݨی ویندی اے. اے محلہ اندرون ملتانی گیٹ وچ واقع ہے.