Wy/skr/لال سوہانرا نیشنل پارک، بہاولپور

لال سوہانرا نیشنل پارک، پاکستان دے وݙے تے وائلڈ لائف دی سانبھ واسطے بݨائے ڳئے پارکاں وچوں ہک اے. اے بہاولپور شہر توں ٣٥ کلومیٹر مشرق دی طرف، بہاولنگر روڈ تے واقع ہے. ایں پارک دا رقبہ ٦٣٠٠٠ ایکڑ اے جیندے وچ سفاری پارک، پکنک مقامات، جھیل، سرکاری ریسٹ ہاؤس وغیرہ شامل ہن. سفاری پارک وچ شیر، ببر شیر، نہر، ہرن، بارہ سنگھے، اژدھا وغیرہ آزاد چھوڑے ڳئے ہن جیہڑی وجہ توں احتیاط لازمی اے. پارک دے شروع وچ ہی ہک وݙی نہر اے جیندا اپݨا حسن اے تے اے وی پارک دا حصہ سمجھی ویندی اے. اتھاں کھاوݨ پیوݨ واسطے کیفے وی موجود اے اتے گݙیاں تے موٹرسائیکلاں واسطے پارکنگ دی سہولت وی ہے. سرائیکی وسیب وچ فیملی پکنک واسطے اے پارک ہک حسین تے لاجواب مقام اے.