Wy/pa/ਦਿੱਲੀ

ਦਿੱਲੀ ਭਾਰਤ ਦੀ ਰਾਜਧਾਨੀ ਹੈ। ਇਹ ਆਬਾਦੀ ਪੱਖੋਂ ਭਾਰਤ ਦਾ ਦੂਸਰਾ ਅਤੇ ਸੰਸਾਰ ਦਾ 8ਵਾਂ ਸਭ ਤੋਂ ਵੱਡਾ ਸ਼ਹਿਰ ਹੈ।

ਦਿੱਲੀ ਸੰਬੰਧੀ ਜਾਣਕਾਰੀ

ਦਿੱਲੀ ਦਾ ਨਕਸ਼ਾ

ਦਿੱਲੀ ਭਾਰਤ ਦਾ ਇੱਕ ਕੇਂਦਰ ਸ਼ਾਸ਼ਤ ਪ੍ਰਦੇਸ਼ ਅਤੇ ਮਹਾਂਨਗਰ ਹੈ। ਇਸ ਵਿੱਚ ਨਵੀਂ ਦਿੱਲੀ ਵੀ ਸ਼ਾਮਿਲ ਹੈ ਜੋ ਭਾਰਤ ਦੀ ਰਾਜਧਾਨੀ ਹੈ। ਰਾਜਧਾਨੀ ਹੋਣ ਕਾਰਨ ਕੇਂਦਰ ਸਰਕਾਰ ਦੀਆਂ ਤਿੰਨ ਇਕਾਈਆਂ- ਕਾਰਜਪਾਲਿਕਾ, ਸੰਸਦ ਅਤੇ ਨਿਆਂਪਾਲਿਕਾ ਦੇ ਮੁੱਖ ਦਫ਼ਤਰ ਦਿੱਲੀ ਵਿੱਚ ਹੀ ਸਥਿਤ ਹਨ। ਇੱਥੇ ਚਾਰ ਮੁੱਖ ਭਾਸ਼ਾਵਾਂ ਬੋਲੀਆਂ ਜਾਂਦੀਆਂ ਹਨ: ਹਿੰਦੀ, ਪੰਜਾਬੀ, ਉਰਦੂ ਅਤੇ ਅੰਗਰੇਜ਼ੀ। ਭਾਰਤ ਵਿੱਚ ਦਿੱਲੀ ਦਾ ਇੱਕ ਇਤਿਹਾਸਿਕ ਮਹੱਤਵ ਹੈ। ਇਸਦੇ ਦੱਖਣ-ਪੱਛਮ ਵਿੱਚ ਅਰਾਵਲੀ ਪਹਾੜੀਆਂ ਅਤੇ ਪੂਰਬ ਵਿੱਚ ਜਮੁਨਾ ਨਦੀ ਹੈ, ਜਿਸਦੇ ਕਿਨਾਰੇ ਇਹ ਮਹਾਂਨਗਰ ਵਸਿਆ ਹੋਇਆ ਹੈ।

ਭੂਗੋਲਿਕ ਜਾਣਕਾਰੀ

ਦਿੱਲੀ 1,484 ਵਰਗ ਕਿ:ਮੀ (573 ਵਰਗ ਮੀਲ) ਤੱਕ ਫ਼ੈਲਿਆ ਹੋਇਆ ਮਹਾਂਨਗਰ ਹੈ। ਜਿਸਦੇ ਵਿੱਚੋਂ 783 ਵਰਗ ਕਿ:ਮੀ: (270 ਵਰਗ ਮੀਲ) ਭਾਗ ਪੇਂਡੂ ਅਤੇ 700 ਵਰਗ ਕਿ:ਮੀ: (270 ਵਰਗ ਮੀਲ) ਭਾਗ ਸ਼ਹਿਰੀ ਘੋਸ਼ਿਤ ਕੀਤਾ ਗਿਆ ਹੈ। ਦਿੱਲੀ ਉੱਤਰ-ਦੱਖਣ ਤੱਕ ਵੱਧ ਤੋਂ ਵੱਧ 51.9 ਕਿ:ਮੀ: ਤੱਕ ਅਤੇ ਪੂਰਬ-ਪੱਛਮ ਤੱਕ 48.48 ਕਿ:ਮੀ: ਫ਼ੈਲਿਆ ਹੋਇਆ ਹੈ।

ਆਵਾਜਾਈ

ਦਿੱਲੀ ਆਵਾਜਾਈ ਨਿਗਮ ਵਿਸ਼ਵ ਦੀ ਸਭ ਤੋਂ ਵੱਡੀ ਆਵਾਜਾਈ ਬੱਸ ਸੇਵਾ ਪ੍ਰਦਾਨ ਕਰ ਰਿਹਾ ਹੈ। ਦਿੱਲੀ ਵਿੱਚ ਟੈਕਸੀ ਸੇਵਾ ਵੀ ਉਪਲਬਧ ਹੈ ਅਤੇ ਟੈਕਸੀ ਦਾ ਕਿਰਾਇਆ 7.50 ਤੋਂ ਲੈ ਕੇ 15 ਰੁਪਏ ਪ੍ਰਤੀ ਕਿਲੋਮੀਟਰ ਤੱਕ ਹੁੰਦਾ ਹੈ। ਦਿੱਲੀ ਦੀ ਕੁੱਲ ਵਾਹਨਾਂ ਦੀ ਗਿਣਤੀ ਵਿੱਚੋਂ 30% ਨਿੱਜੀ ਵਾਹਨ ਹਨ। ਦਿੱਲੀ ਪੰਜ ਰਾਸ਼ਟਰੀ ਰਾਜ-ਮਾਰਗਾਂ ਨਾਲ ਜੁੜਿਆ ਹੋਇਆ ਹੈ, ਇਹ ਹਨ: 1, 2, 8, 10 ਅਤੇ 24। ਦਿੱਲੀ ਵਿੱਚ ਵਿਸ਼ਵ ਦੇ ਕਿਸੇ ਵੀ ਸ਼ਹਿਰ ਨਾਲੋਂ ਜਿਆਦਾ ਵਾਹਨ ਹਨ।