Wy/ml/പയ്യാമ്പലം കടപ്പുറം

കേരളത്തിലെ കണ്ണൂർ ജില്ലയിലെ ഒരു കടൽത്തീരമാണ് പയ്യാമ്പലം കടപ്പുറം. കണ്ണൂർ പട്ടണത്തിൽ നിന്നും 2 കിലോമീറ്റർ അകലെയാണ് പയ്യാമ്പലം. ഈ കടൽത്തീരം അതിന്റെ പ്രകൃതിസൗന്ദര്യത്തിന് പേരുകേട്ടതാണ്. പ്രശസ്ത ശില്പിയായ കാനായി കുഞ്ഞിരാമൻ നിർമ്മിച്ച അമ്മയും കുഞ്ഞും എന്ന ശില്പം ഇവിടെയാണ് സ്ഥാപിച്ചിരിക്കുന്നത്.

റോഡുമാർഗ്ഗം

കണ്ണൂർ താവക്കര ബസ് സ്റ്റാൻഡിൽ നിന്നും ലോക്കൽ ബസിലോ ഓട്ടോയിലോ ബീച്ചിലേക്ക് എത്തിച്ചേരാവുന്നതാണ്.

തീവണ്ടീ മാർഗ്ഗം

റെയിൽവേ സ്റ്റേഷനിൽ നിന്നും 2.7 കിലോമീറ്റർ അകലെയാണ്.

വിമാന മാർഗ്ഗം

കണ്ണൂർ വിമാനത്താവളത്തിൽ നിന്ന് ബീച്ചിലേക്കുള്ള ഏകദേശ ദൂരം 27 മുതൽ 32 കിലോമീറ്റർ വരെയാണ്.

പ്രധാന പ്രത്യേകതകൾ

സ്മാരകങ്ങൾ & ശിൽപ്പങ്ങൾ

കേരളത്തിലെ പ്രമുഖ സ്വാതന്ത്ര്യസമര സേനാനാനികളായ എ. കെ. ഗോപാലൻ, കെ.പി. ഗോപാലൻ, പി.എസ്. ശ്രീനിവാസൻ എന്നിവരുടെ സ്‌മൃതിമണ്ഡപങ്ങൾ ഇവിടെ സ്ഥിതിചെയ്യുന്നു. കൂടാതെ പ്രശസ്തമായ അമ്മയുടേയും കുഞ്ഞിൻെറയും ശില്പം സഞ്ചാരികളുടെ പ്രധാന ആകർഷണമാണ്.