Wy/ml/അന്ധകാരനഴി

അന്ധകാരനഴി കടൽത്തീരം

ആലപ്പുഴ ജില്ലയിലെ ഒരു വിനോദസഞ്ചാരകേന്ദ്രവും കടപ്പുറവും തീരദേശഗ്രാമവുമാണ് അന്ധകാരനഴി (Andhakaranazhi). പട്ടണക്കാട് ഗ്രാമപഞ്ചായത്തിലാണ് ഈ ഗ്രാമം സ്ഥിതി ചെയ്യുന്നത്. അന്ധകാരനഴി ബീച്ചിൽ എല്ലാവർഷവും ബീച്ച് ഫെസ്റ്റ് നടത്തപ്പെടുന്നു. മനക്കോടം വിളക്കുമാടം സ്ഥിതിചെയ്യുന്നത് ഇവിടെയാണ്.

മനസ്സിലാക്കുക

ആലപ്പുഴ ജില്ലയിലെ ഒരു ഇടത്തരം ബീച്ചാണ് അന്ധകാരനഴി. മനക്കോടം വിളക്കുമാടം സ്ഥിതിചെയ്യുന്നത് ഇവിടെയാണ്.

എത്തിച്ചേരുക

വിമാന മാർഗ്ഗം

അടുത്തുള്ള വിമാനത്താവളം നെടുമ്പാശ്ശേരിയിൽ സ്ഥിതിചെയ്യുന്ന കൊച്ചി അന്താരാഷ്ട്ര വിമാനത്താവളം ആണ്.

റോഡ് മാർഗ്ഗം

ആലപ്പുഴ -അർത്തുങ്കൽ-കൊച്ചി റോഡുവഴിയാണ് അന്ധകാരനഴി ബീച്ചിലെത്തിച്ചേരുക.

റെയിൽ മാർഗ്ഗം

ഏറ്റവും അടുത്തുള്ള റെയിൽവേസ്റ്റേഷൻ ചേർത്തലയാണ്. അടുത്തുള്ള പ്രധാനപ്പെട്ട റെയിൽവേ സ്റ്റേഷൻ എറണാകും ജംഗ്ഷൻ ആണ്. ഇവിടെ നിന്ന് റോഡ് മാർഗ്ഗം അന്ധകാരനഴിയിൽ എത്താവുന്നതാണ്.

ചുറ്റിക്കറങ്ങുക

ആലപ്പുഴയിലേക്കുള്ള തീരദേശ പാത അന്ധകാരനഴിയിലൂടെയാണ് കടന്നുപോകുന്നത്. ഈ ഗ്രാമം ചുറ്റിക്കറങ്ങാൻ വിവിധ ഗതാഗത സൗകര്യങ്ങൾ ഉണ്ട്. കെ.എസ്.ആർ.ടി.സി. ബസ്സുകൾക്ക് പുറമെ, സ്വകാര്യ ബസ്സുകളും, ടാക്സി കാറുകളും, ഓട്ടോ റിക്ഷകളും ലഭ്യമാണ്.

ചുറ്റിക്കാണുക

ബീച്ച്

അന്ധകാരനഴി കടപ്പുറം

അന്ധകാരനഴി ബീച്ചിൽ എല്ലാ വർഷവും ബീച്ച് ഫെസ്റ്റ് നടത്തപ്പെടുന്നു. ദേശീയപാത 66 ലെ പട്ടണമായ പൊന്നാം വെളിയിൽ നിന്ന് 4 കിലോമീറ്റർ അകലെയാണ് അന്ധകാരനഴി ബീച്ച്. ആലപ്പുഴ പട്ടണത്തിൽ നിന്നു അന്ധകാരനഴി ബീച്ചിലേയ്ക്കു 34 കി.മീറ്റർ ദൂരമുണ്ട്.

വിളക്കുമാടം

വിളക്കുമാടം

1979ൽ സ്ഥാപിക്കപ്പെട്ട മനക്കോടം വിളക്കുമാടം ഇവിടെ സ്ഥിതിചെയ്യുന്നു.

അടുത്ത യാത്ര