აზია — უდიდესი კონტინენტი (43,4 მლნ. კმ²) დედამიწაზე, რომელზეც მდებარეობს 50 ქვეყანა. მასზე ცხოვრობს მთელი მსოფლიოს მოსახლეობის უდიდესი ნაწილი (დაახლოებით 3981 მლნ. კაცი). აზიის ტერიტორია შემოსაზღვრულია: ჩრდილოეთიდან - ჩრდილოეთის ყინულოვანი ოკეანით, აღმოსავლეთიდან - წყნარი ოკეანით, სამხრეთიდან - ინდოეთის ოკეანით და დასავლეთიდან - ევროპით. გეოგრაფიული საზღვარი ევროპასთან გადის ხმელთაშუა ზღვაზე, დარდანელის სრუტეზე, ბოსფორის სრუტეზე, მარმარილოს ზღვაზე, შავ ზღვაზე, მდინარე არაქსზე, კასპიის ზღვაზე, მდინარე ემბასა და ურალის მთებზე.
