Piemontèis: pel

Nòm feminin

(plural: pel, pej)

Òrgo ch'a coata tut ël còrp ëd n'animal.
- Manere ëd dì: A fior ëd pel: ëd dasson superfissial. Avèj la pel curta: pëtté. Avèj la pel stendùa an sj'òss: esse motobin màire. Buté la pel an s'un baston: arzighé ëd meuire; travajé tròp fin-a a sté mal. Esse na pel grama: esse disonest. Fé brusé la pel: patlé. Fessne na pel: mangene tant. Gaveje la pel a na pùles: esse rancin. Gavesse la pel: travajé tant. Gavesse la pel da an sj'onge: fé gnente. Lasseje la pel: meuire. Meuire an soa pel: meuire antëcà. Nen ste ant la pel: avèj tanta anvìa ëd cheicòs ch'a dev capité. Pel d'oca: pel ch'a dventa grotolùa për la frèid, la peur; an sens figurà, tanta peur. Pijé la pel a un: Sfruté un an sël travaj. Rije an sla pel dj'àutre: badiné an sle disgrassie dj'àutri. Vista la pel al sol, dì che la bestia a l'é mòrta: dì dle còse evidente.
- An d'àutre lenghe: anglèis: skin; fransèis: peau; italian: pelle; sicilian: peddi; spagneul: piel.
Tëssù ch'as fàbrica con la pel dj'animaj.
- An d'àutre lenghe: anglèis: skin; fransèis: peau; italian: pelle; sicilian: peddi; spagneul: piel.
Arvestiment dij frut.
- Sinònim: pleuja.
- An d'àutre lenghe: anglèis: peel, skin; fransèis: peau; italian: buccia, pelle; sicilian: peddi; spagneul: piel.
Arvestiment ëd j'erbo.
- Sinònim: scòrsa.
- An d'àutre lenghe: anglèis: bark, fransèis: écorce; italian: scorza; sicilian: scorcia; spagneul: corteza.

Etimologìa: dal latin pellem.

Sorgiss

Gribàud, REP