Wt/pms/boca

From Wikimedia Incubator
< Wt‎ | pmsWt > pms > boca
Jump to navigation Jump to search

Flag of Piedmont.svg Piemontèis: boca[edit]

Nòm feminin[edit]

(plural: boche)

  1. Përtus ant ël muso d'animaj e òm ch'a serv për nurisse e përnonsié dij son.
    • Manere ëd dì: A boca: an përson-a, a viva vos. A boca a boca: an presensa ëd l'àutra përson-a. A boca còs veus-to: con abondansa. A boca sarà: sensa parlé. A boca sarà strèita: sensa esse sigur, an dubitand. A mesa boca: sensa antusiasm, con timidità, sot-vos. Andé an boca al luv: a la përdission. Arfesse la boca: gavé da la boca un gust gram an mangiand o beivend cheicòs ëd bon. Avèj la boca amèra: esse delus. Boca bon-a, Boca da struss: un ch'a mangia ëd tut. Boca da bëscotin, Boca strèita: përson-a difìcil ant ël mangé. Boca da còmod, Boca d'infern: përson-a volgar ant ël parlé. Boca d'òr: përson-a sincera. Boca fin-a: un dai gust rafinà. Con la boca dossa: sensa ameiror. Cusisse la boca, Nen deurve boca: arfudesse ëd parlé. Duvert ëd boca: un ch'a parla ciàir e tond. Fé vnì la boca dossa a un: Vagnesse l'amicissia d'un an disendje lòn ch'a veul sente. Gavé le paròle da 'n boca a un con le tnaje: Forsé cheidun a parlé. Gavesse ël pan da 'n boca: fé 'd gròssi sacrifissi për giuté cheidun. Largh ëd boca e strèit ëd man: përson-a ch'a fa tante promësse ch'a manten nen. Lavesse la boca ëd quaicòs: vantesse ëd quaicòs. Lavesse la boca ëd quaidun: Parlé mal ëd quaidun. Lenga ch'a sta bin ëd boca: as dis ëd përson-a ch'a parla tant, ëdcò cand a dovrìa sté ciuto. Nas ch'a pissa an boca: nas motobin gròss. Parlé përchè un a l'ha la lenga an boca: dì mach ëd folairà. Pijé quaicòs për boca: mangé.
    • Sinònim: bèiva (schersos), forn (schersos), gajòfa (schersos).
    • An d'àutre lenghe: anglèis: mouth; fransèis: bouche; italian: bocca; latin: os.
  2. (figurà) Duvertura, intrada.
  3. (botànich) Boca ëd lion, Boca d'ors: Antirrhynum majus.
    • An d'àutre lenghe: italian: bocca di leone.

Esempi d'usagi[edit]

  1. Butesse a la boca. Për boca. Rangesse la boca.
  2. Boca dël fium. Boca dël forn. Boca dlë stòmi.

Sorgiss[edit]

Gribàud, Sant Albin