Wt/pms/bala

From Wikimedia Incubator
< Wt‎ | pmsWt > pms > bala
Jump to navigation Jump to search

Flag of Piedmont.svg Piemontèis: bala[edit]

Nòm feminin[edit]

(plural: bale)

  1. Sfera ëd goma o d'àutre material còti ch'a serv për gieughe.
    • Manere ëd dì: A bala dë s-ciòp: bin e an pressa. Avèj la bala an man: comandé ël gieugh. Bala dl'euj: lumèt. Bala ëd fiòca: malòca. Ciapé la bala al vòl: profité ëd na bon-a ocasion. Fé casché la bala adòss a un: deje a un la colpa ëd cheicòs. La bala a fa ël bòt: avèj ëd boneur. Pijé ëd bala, Pijé an bala: amusesse an rijend ëd lòn ch'a j'ancàpita a cheidun. Speté la bala al sàut: speté l'ocasion bon-a.
    • An d'àutre lenghe: anglèis: ball; fransèis: boule; italian: palla.
  2. Gròss foson ëd fen o ëd mërcansìe.
    • Manere ëd dì: A bala: an gròssa quantità. Avèj soa bala: avèj un guadagn ilegal. Bala fàita: i soma d'acòrd, foma parèj. Esse ëd bala: esse d'arcòrd.
    • An d'àutre lenghe: italian: balla.
  3. Colp ëd n'arma da feu.
    • Manere ëd dì: Avèj ni póer ni bale: avèj gnente.
    • An d'àutre lenghe: anglèis: bullet; fransèis: balle; italian: proiettile.
  4. Testìcol.
    • An d'àutre lenghe: anglèis: ball; fransèis: couille; italian: palla.
  5. (familiar) Gròssa busìa.
    • An d'àutre lenghe: italian: palla.
  6. Bala teucc: gieugh da masnà.
  7. (botànich) Bale ëd fiòca: Viburnum opulus.
  8. (botànich) Bale ëd fra: Aristolochia clematidis.

Sorgiss[edit]

Gribàud