Piemontèis: bòsch

Nòm mascolin

(plural: bòsch) /ˈbosk/

Teren coatà da erbo con tronch àut, sot al qual a chërso busson e erbe.
- An d'àutre lenghe: anglèis: woods, fransèis: bois; italian: bosco.
Material otnì dal tronch dj'erbo dovrà për construì mobilia, cà, part d'utiss, arme, paviment, contindor e d'àutri oget. A l'é brusà për scaudé e cusiné.
- Manere ëd dì: Bòsch verd: gelos. Buté ëd bòsch ant la stuva: mangé. Carié ëd bòsch verd: deje ëd bòte a cheidun. Cariesse ëd bòsch verd: pijé dj'angagg pesant. Fé feu ëd sò bòsch: sërché ëd fèjla mach con ij sò pròpi mojen. Nen esse 'd bòsch: avèj dij sentiment. Òm ëd bòsch: òm ch'a val pòch, ch'a fa mach presensa; përson-a ch'a scapa; làder. Pare ëd bòsch: pare ch'as lassa dominé për tròp grinor vers ij fieuj. Resté ëd bòsch: esse motobin ësburdì. Tajé la chèina a un con un cotel ëd bòsch: fé na ròba inùtil. Trové l'uss ëd bòsch: nen podèj intré.
- An d'àutre lenghe: anglèis: wood; fransèis: bois; italian: legno.
(botànich) Bòsch ëd Giuda: Caesalpinia echineta.
- An d'àutre lenghe: italian: siliquastro comune.
Branchèt ch'as buto për giuté ij bigat a fé 'l cocon.
(mach al plural) Plance, ass o listej ch'as buto fòra dle fnestre da saré cand as veul nen fé intré la lus.
- An d'àutre lenghe: fransèis: stores; italian: imposte, persiane.

Bré, Gribàud